Connect with us

Dakota preparando pa su olimpiada di bario

Caribe

Dakota preparando pa su olimpiada di bario


Diahuebs awo ta inicia un fin di siman largo yena di actividad pa e habitantenan di Dakota. Esaki presidente di Centro di Bario y Deporte Dakota Carmichael Bikker a anuncia.

Pa algun tempo caba, segun Bikker, e directiva a bin ta sondeando pa trece algo pa e bario. Asina a sinta cu veterano y leyendanan di e bario pa mira kico por haci pa e habitantenan di e bario. Y a surgi e idea pa organisa den luna di juli, cu ta e luna di e bario, algo. Dia 15 di juli SV Dakota ta cumpli aña di existencia.

674A7626

Den cuadro di esaki a pensa pa rebiba e historia di Dakota pa organisa un evento cu ta uni e dos Dakotanan (pariba y pabou). Y asina a surgi Olimpiada Dakota.

Si bo a nace of biba na Dakota, djis yega y registra pa un di e eventonan. Por hacie tambe riba e Facebook di CBDD. Diahuebs ta start cu ping pong y basketball. Por yega 6:00 PM e diahuebs y registra ainda. E idea ta pa trece e hendenan di bario hunto.

Riba diabierna tin weganan di domino y bollas crioyas. Diasabra ta dedica na mucha. Nan por hunga futbol pafo y ping pong paden. Anochi paden lo tin seso sport bou guia di Tyson Croes, un mucha di bario.

Diaranson, despues di 32 aña, ta pone den funcion bek e cancha di basketball, cu un suela special y iluminacion, cu ta permiti e miembronan uza esaki den oranan di anochi.

Diadomingo mainta tin misa na Fatima na Dakota pa gradici pa tur cos. Dialuna lo tin un brindis.

Tur e evento ta pa haya fondo necesario y sigui inverti den e club. Ta invita tur hende pa bin mira e actividadnan deportivo y apoya e participantenan.





Source link

More in Caribe

A2Z ADMINISTRATION

AD

To Top