Dak di cas na Turibana a bin abou: Famia completo a keda sin hogar

Diabierna anochi un desordo den e cayanan di Turibana a pone cu bisiñanan a bati alarma ora cu a scucha un famia na grito. Polisnan cu urgencia a presenta y a constata cu di berdad e cas a keda sin dak, tur cos a bin abou y loke tabatin den e cas a keda destrui, te hasta den camber unda famia y muchanan chikito tabata drumi e dak a bin abou.

E mama propetario di e cas a keda den shock di e situacion ya cu e parti dilanti ta e cu su tres yiu chikito ta keda y parti patras tin 3 miembro di famia mas inclui hende grandi.

Brandweer tambe a presenta bomberonan a desconecta e boternan di gas, y a hala tur cos y a pidi ningun hende drenta e cas debi cu ta desconoci si e dak ta sigui bin abou. Elmar tambe a presenta unda su personal a corta coriente. DTI y DOW tambe a keda informa pa presenta y pa dow pone baricada.

N’e sitio nos por a tuma nota un bay bin di yamada na departamento social unda no ta haya comunicacion te hasta telefon dienst paga. Ta lamenta e situacion aki con den un anochi e departamento social tabata incomunicabel.

Ta pidi n’e comunidad encaresidamente esnan cu kier yuda pa drecha e cas y of instancianan por aserca e famia na Turibana, e caminda di Jr bay ariba y e di dos caminda na bo man drechi.