Connect with us

CURPA: Minister di Transporte merece un ‘brevet van onvermogen’

Caribe

CURPA: Minister di Transporte merece un ‘brevet van onvermogen’


eric ras scaled 1 300x200 1

A tarda Minister di Transporte, Ursell Arends, tres aña pa bin bisa cu Arubus NV ta bancarota. Na prome luga, si no ta pa e rapport di Controlaria General cu a bin den publicidad y tambe e trahadonan di Arubus cu tin dos aña ta bringa pa nan derechonan, e berdad no a sali na cla. Esey lo a haci cu te awe ainda gobierno lo sigui draai rond di e problema na Arubus.

Locual e minister a duna di compronde ta cu durante tres aña cu su persona ta den gobierno no a haci nada pa Arubus. A transcuri hopi tempo pa despues bin bisa cu Arubus ta bancarota. Cu e expresion aki e minister ta duna su mes un brevet van onvermogen. 

Sino ta p’e rapport di Contraloria General awe tur cos lo a keda scondi. No ta solamente Arubus, sino Serlimar, Aruba Post NV y  Refineria di Aruba tambe ta den problema. Hopi tristo ta cu nan no tin nan jaarrekening na ordo. Esaki no mester ta un sorpresa, paso gobierno di Aruba tampoco a presenta su jaarrekening for di 2018.

For di akinan nos por saca afo tambe cu e presupuesto di gobierno di 2024 ta falso paso tin hinca aden cu Refineria di Aruba a duna gobierno dividend. Con esaki por ta posibel si Refineria di Aruba ta den debe. Riba dje tin comerciantenan cu no ta haya nan pago cu gobierno debenan. E cuenta cu gobierno ta paga debe bruto ta puro gañamento. Nos tin un Parlamento cu no ta controla gobierno y riba dje ta papia un disparate y kier defende un gobierno cu su maneho ta nul coma nul. 

Solamente un cambio den gobierno por bin por saca na claridad e berdadero situacion financiero di nos Isla. Un gobierno cu ta biba pa gaña pueblo no tin derecho di existencia. Partido mep hunto cu su coalicion y partido avp a sink nos Isla den debe. Parlamentarionan kier gaba cu nan mocionnan aproba. Si nos mira bon cuanto ta e mocionnan cu a wordo aproba ta drumi den lachi pa añanan.

E mocionnan actual ta simplemente pa hunga cu sentimento di pueblo. Si di berdad tabata tin pueblo na pecho anto e ora ey nan lo a bira realidad y no lo a keda drumi den lachi. En bes di mocion mester a bin cu amiendo paso e ora si gobierno tin e obligacion di ehecut’e. 

Pueblo ta momento pa bisa e politiconan aki nan berdad den nan cara. Politiconan tradicional no ta laga nan Mala Maya. Partidonan tradicional nan aki ta hopi aña a gaña pueblo y e resultado di nan gañamento ta hinca Aruba den debe di mas cu 6 biyon florin y haci e pueblo esclavo di debe. Esaki nos yama amor pa patria? Ta uza votonan cristian pero ta puñala e pueblo cristian. 

Si nos stima nos isla y kier mira un cambio anto den e proximo eleccion no por sigui vota manera semper paso lo mester sigui manera semper esta den debe. Esaki ta tempo di Dios y no di politiconan cu ta manipula pueblo pa nan voto. Partido Curpa ta e unico alternativa.





Source link

More in Caribe

A2Z ADMINISTRATION

AD

To Top