Connect with us

Cuerpo Policial Aruba cla pa otro mensahe di fin di aña

Aruba

Cuerpo Policial Aruba cla pa otro mensahe di fin di aña


Cuerpo Policial Aruba a cuminsa cu un tradicion desde 2013 pa trece un mensahe di fin di aña pa tur colega y na comunidad. Na caminda el a bira grandi y esaki ta pa di 8 aña consecutivo cu ta trece e mensahe di fin di aña den tur hogar.

E aña aki a toca e tema di “E dia aki ta bo dia”. Un storia cu a cuminsa den pasado na unda e chikitinnan nan deseonan ta pa un dia nan por bira polis. Na final di e mensahe, e chikitinnan ta bira grandi y nan deseo a bira realidad. Un mensahe cu ta trece e alegria, union y speransa pa un cambio di aña nobo.

Un mensahe cu un dia bo deseonan tambe por bira realidad djis sigui tin fe y sigui kere. “E dia aki ta bo dia”. Cancion original di Grupo di Betico. Canta pa Miguel Genser y composita pa Jaderick Croes. Pa Cuerpo Policial Aruba ta un honor cu e aña aki nos por tin otro grupo y artista local pa compaña nan mensahe di fin di aña.

1n61bf856f5f4766.18269466

E aña aki e mensahe ta dedica na memoria di ex Ministro di Husticia di 2001 pa 2009, Hyacintho “Rudy” Croes cu recientemente a fayece. Un produccion bou encargo di Departamento di comunicacion, informacion y prevencion di Cuerpo Policial Aruba Lito Lacle y Liliana Rasmijn. Un idea crea un biaha mas pa polis R.R. Angela. Cuerpo Policial Aruba ta yama danki na cada un persona cu a haci e mensahe di fin di aña un realidad.

Danki na cada polis y personal administrativo di Cuerpo Policial Aruba, na Altocomisario suplente Irma Gordon, Jaderick Croes, Grupo di Betico, Miguel Genser, Elite production pa e luznan, Titi Tromp, Patricia de Lange pa habri porta di su hogar pa e grabacion, Michelmira Arends y Grady Chundro, Litmar Lacle y Luz Angela Torrealba, Norman Tromp y Nicole Arends, Jurainy Luckert y Glendeline Bislip, Jamal y Jualine Courtar.

1n61bf856f605531.53728060

Dialuna 20 december 2021 pa 1:00 pm, Cuerpo Policial Aruba ta lansa e mensahe di fin di aña.

Por sigui esaki riba Cuerpo Policial su plataformanan social manera; Facebook, Instagram y Youtube. Medianan local manera Radio y Television lo pasa esaki pa comunidad completo por mira e mensahe e aña aki.





Source link

Click to comment

Leave a Reply

Your email address will not be published. Required fields are marked *

More in Aruba

To Top