Connect with us

Crisisteam: No tin excepcion den Halloween

Aruba

Crisisteam: No tin excepcion den Halloween


“Ami no sa di nada, pues nos no a duna aprobacion pa desvia di ningun regla”, asina Rino Hermans, director di Bureau Rampenbestrijding Aruba (BRA) y alabes consehero directo di Minister Presidente den e Crisisteam relaciona cu maneho di Covid-19. E ehecutivo a hay’e confronta cu varios yamada y mensahenan rabia di bandanan musical y otro establecimentonan nocturno kehando cu ta midi cu dos midi. Sinembargo, ta parce cu ayeranochi algo a bay completamente robes na Bochincha Container Yard, sigur no cu permiso of consentimento di Crisisteam.

Ta parce cu den e creatividad di e empresario, el a opta pa aplica e ley y regla stipula pa crisisteam di gobierno na su forma. Dicho ley ta papia cu por tin tocamento bibo, pero bandanan no mag surpasa cinco tocado y cu e musica mester ta pa “background music” y no pa clientenan baila. Pero, e organisadonan a opta pa uza tres diferente escenario y parti di tocadonan y cantantenan di henter e banda N’ Fusion riba e tres stagenan. Asina tur e tocado y cantantenan, mas of menos 15 persona, por a burla di e ley cu otronan si mester tene nan mes na dje sagradamente pa por presenta.

Crisisteam a laga verifica cu e Taskforce pero cu no a constata e infraccion aki pasobra ora nan a drenta Bochincha, ainda e banda no a presenta. Polis tampoco a constata esaki durante nan bishita na e establecimento nocturno, combina cu opcionnan di cuminda y bebida. Asina e kehonan a drenta solamente di otro clubnan, restaurantnan y musiconan, cu ta sinti cu Crisisteam tin diferente liniaal pa midi cu ne.

1n617dcd4d1a2cd3.89453230

A sigura, cu mirando e “wega” hunga ayeranochi na Bochincha, cu awe nochi d Taskforce lo ta extra mas stringente pa garantisa cu tur establecimento cu tin evento di Halloween ta cumpli cu e reglanan existente. Den caso cu constata cu tin falta di cumplimento, lo laga polis cera e luga mesora. Ta adverti tur negoshi, cu pa evita perdida di entrada, pa no bay purba desvia di e reglanan existente, impone dor di Gobierno di Aruba.

1n617dcd4d1b7f77.63823746

E disgusto ta debi cu e lider di N’ Fusion, Ofo Escudero, ta esun cu ta papia cu gobierno den nomber di e musiconan. Ta net e, cu lo mester ta un ehempel pa tur otro, ta faya na e reglanan. Ta sinti cu a dun’e cierto beneficio riba otro agrupacionnan musical, locual nunca por ta e intencion y maneho di crisisteam. E demas musiconan ta corda Escudero cu mesun duro cu el a pasa den pandemia, nan tur a pasa tambe, pues no por regla nada pa su mes, lagando e otro musiconan un banda cu reglanan stringente pa cumpli cu ne pa por pone man riba mesa.





Source link

Click to comment

Leave a Reply

Your email address will not be published.

More in Aruba

To Top