Connect with us

Crisisteam: Categoria ‘riesgo hopi halto’ na frontera ta na vigor

Aruba

Crisisteam: Categoria ‘riesgo hopi halto’ na frontera ta na vigor


Considerando e aumento drastico di caso di COVID-19 den cierto pais, Crisisteam a introduci un adaptacion di e sistema di control y mitigacion di e pandemia di COVID-19 na frontera.

Entrante diasabra 4 di december 2021 ta introduci e categoria di e paisnan cu ‘RIESGO HOPI HALTO’. E siguiente medidanan lo aplica p’e pasaheronan cu ta bin di e paisnan cu cay bao di e categoria aki:

1. E pasaheronan cu no ta residente di Aruba, no ta bay tin e opcion mas pa haci COVID-19 test na yegada na Aeropuerto di Aruba.

2. Pa tur e pasaheronan, mester haci un PCR test no mas tarda cu e dia prome cu e vuelo pa Aruba.

Como cu Hulanda lo ta un di e paisnan den e categoria aki, ta suplica tur hende cu lo ta biahando di Hulanda pa Aruba entrante 4 di december 2021, pa tene cuenta cu esaki.

E pasaheronan aki lo mester haci nan PCR test mainta riba e dia prome cu nan vuelo sali pa Aruba, p’asina nan haya e resultado na tempo.

Tambe mester tene na cuenta cu e medidanan nobo aki tambe ta conta p’e studiantenan local cu ta desea di bin pasa nan vakantie na Aruba. E regla nobo aki tambe ta bira aplicabel p’e pasaheronan cu lo bin Aruba for di Hulanda via di un otro pais (por ehempel USA).

P’e pasaheronan aki lo bira dificil pa cumpli cu e regla nobo pa motibo di e factor di tempo. Nan mester haci e PCR test un dia prome cu e biahe pa Aruba y upload e resultado negativo riba e sistema di ED Card prome cu biaha. E pasaheronan aki lo mester tene cuenta cu esaki na momento di plania pa biaha.

3. Pa loke ta pasahero residente, nan tin e opcion pa haci e PCR test na yegada na Aruba. Sinembargo si nan opta pa haci e test na Hulanda, e test mester ta haci e dia prome cu e vuelo pa Aruba.





Source link

Click to comment

Leave a Reply

Your email address will not be published. Required fields are marked *

More in Aruba

To Top