Connect with us

Corte: Mientras no tin un decision penal no por stop salario di Lainda Westerhof

Caribe

Corte: Mientras no tin un decision penal no por stop salario di Lainda Westerhof


New Picture 14

Mientras cu diabierna ultimo Lainda Westerhof tabata den corte pa e caso penal contra dje, awo a bira conoci decision den un caso civil cu el a cuminsa contra Minister di Enseñansa. E motibo ta cu a pone un stop na su salario.

Ley ta permiti pa kita un parti di e salario di un ambtenaar cu ta bou investigacion y despues cu e sali liber mientras ta spera cu e caso bay dilanti, por stop su salario tambe. Ta bisa cu esaki ta keda na discrecion di e autoridad concerni, cu ta e minister.

Pero den e caso di Lainda Westerhof corte a constata cu no a tene cuenta diferente circunstancia prome cu a yega na e decision ey. Pa e motibo a destrui e decision di e minister pa stop di paga Lainda Westerhof su salario.

Diabierna ultimo e tabata den corte unda cu e tabatin tres acusacion contra dje di cual den dos di nan fiscal a pidi pa declar’e liber. Su abogado, mr. Desiree Croes, tin confiansa cu pa e di tres tambe lo declar’e liber. E decision ta aki tres siman.

Pa relato mas amplio, lesa TREMPAN.





Source link

More in Caribe

A2Z ADMINISTRATION

AD

To Top