Connect with us

Corsou: Kabinete Pisas lo bai subi OB di 6% pa 7% i kita dedukshon di OB na importashon

Aruba

Corsou: Kabinete Pisas lo bai subi OB di 6% pa 7% i kita dedukshon di OB na importashon


Presupuesto 2022 ta di Kabinete Pisas. Siman tras di lomba Parlamento a trata presupuesto 2022 ku a keda entregá  na Luna di  sèptèmber 2021 dor di Gabinete Pisas na Parlamento. E tratamentu den komishon sentral a bai otro for di lokual nos a kustumbrá kun’e mirando ku ministernan a skohe ku no ta bini Parlamento pa kontestá preguntanan di Parlamento.

Den e reunion a bini dilanti ku e presupuesto 2022 no a keda trahá dor di e Gabinete aktual, pero ku ela keda trahá dor di e gabinete anterior. Pa e motibu aki  lo presentá un presupuesto supletorio. Frakshon di MAN a prepará pa e presupuesto i a sòru pa prepará preguntanan aklaratorio riba e kontenido i e parti tékniko di e presupuesto. A resultá ku debidamente e gobièrnu aktual a modifiká i adaptá e presupuesto dor di hinka nan propio kambio di impuesto i su nifikashon den e presupuesto.

Oumento OB

Den e Nota di Finansas di presupuesto 2022 gabinete Pisas ta indiká ku lo bai oumentá entrada i baha gastu di Gobièrno pa 2022. E manera kon Gabinete Pisas lo bai hasi esaki ta dor di bini ku un tarifa di OB kual ta di 7%. Esaki ta trese kun’e ku lo krea un oumento di kosto di bida mirando ku mayoria produkto ku pueblo ta hasi uso di dje di supermerkado i tambe servisio (p.e. resibu di telefòn) lo oumentá di 6% pa 7%.

Banda di esaki e OB ku tin na importashon di 9% kual ku e importadó por haña dedukshon di 50% ora e hasi aangifte di OB i paga esaki ora bende e produkto tambe lo keda eleminá. Na ougùstùs 2019 na momento ku a bini ku e lei aki, e propio partido MFK a vota kontra di esaki.

Entrada di Impuesto

Den e nota di finansas gobièrnu ta indiká ku lo risibí mas o menos 100 mion mas na impuesto i 25.2 mion mas na primanan sosial. Frakshon di MAN a hasi pregunta aklaratorio pa gobièrnu indiká ta kon a yega na e kalkulashon aki pa ku aña 2022 debi ku ainda nos ta den un situashon di krisis ku tin efekto riba nos ekonomía.





Source link

Click to comment

Leave a Reply

Your email address will not be published. Required fields are marked *

More in Aruba

To Top