Connect with us

Copa Don Elias Mansur ta bek cu homenahe na cuater baluarte den luna di juli

Caribe

Copa Don Elias Mansur ta bek cu homenahe na cuater baluarte den luna di juli


Despues di dos aña sin organisa debi n’e pandemia, RCA ta bin bek cu su tradicional Copa Don Elias Mansur. Segun presidente di e Club, Jeffrey Lopez, e aña aki, e torneo lo tuma luga na jui pa e ekipo di RCA por prepara pa Shield Cup na Corsou. E competencia tambe lo sirbi como pretemporada, ofreciendo un plataforma p’e ekiponan di hoofdklas, division honor y division 1, afina nan desempeño.

E partidonan oo cuminsa dia 4 di juli y lo culmina cu e final dia 14 di juli. E encuentronan lo tuma luga 7:00 pm y 9:00 pm durante dos fin di siman. E ekiponan manera RCA, Estrella, Unistars, Roo Afo, River Plate y Caiquetio lo participa.

IMG 0085

E torneo tambe lo rindi homenahe na cuater pilar di RCA: Eric Gomes, Carlos Dirksz, Emilia Caster y defunto Jeanine Berg, kendenan lo ta honra durante e evento inaugural caminda lo tin entregamento di plakkaat. E comunidad ta invita pa bin disfruta di un bon futbol y apoya nan ekipo. Bar y cushina lo ta bon surti.

Entrada lo ta 5 florin pa adulto y 2 florin pa mucha y e fondonan recauda lo ta pa yuda fortalece e club y futbol local.





Source link

More in Caribe

A2Z ADMINISTRATION

AD

To Top