Connect with us

Control di polis: No mag para riba acera y punto!

Aruba

Control di polis: No mag para riba acera y punto!


Diamars a habri cu control pisa den area di Caya Grandi na Playa. Polis a pasa den e cayanan y cuminsa takel auto un tras di otro.
Esaki a tuma luga den careda di 11:00 am ora cu por a tuma nota di algun polis na pia y atendiendo cu diferente hende relaciona cu mal parkeo. Hopi ta esunnan cu no tabata mucho contento.

Algun a axpresa cu ta minister Ursel Arends a manda haci un control pa asina sigura cu tur hende ta paga pa Aruparking, pero no ta zorg pa tin espacio necesario pa para. Tin hopi cu ta haci pago pero nunca ta haya luga pa staciona den e vaknan asigna.

Un biaha mas auto mal para den Klipstraat

Posted by 24ora on Tuesday, April 19, 2022

Un persona a informa cu tur luna ta haci pago mensual pa para den area di ex-ministerio publico pero ningun dia por a logra staciona pasobra tin vehiculo staciona eynan. Meintrastanto a sigui takel diferente vehiculo y transporta nan pa warda di polis na Playa.
Tin di menciona cu e boet ta mas o menos 250,= florin y sin lubida cu tin cu paga e gasto di e takelwagen cu ta 175’= florin of mas.

Hopi a cuestiona e localidad cu nan tabata uza pa algun luna caba, algun riba acera y of marca cu strepi riba caminda. Por ehempel doño di un Toyota Celica cora a vocifera cu e tin 8 luna ta staciona na e skina den Klipstraat/ Rifstraat y nunca tabatin problema. 

Polis a duna di conoce bon cla cu auto staciona riba acera, mal para of pafo di e parkeervak ta mal para y como tal lo takel nan. Locual cu ta sigur ta cu, no mag para riba acera, Punto!





Source link

More in Aruba

To Top