Connect with us

Construccion di rotonde Palm Beach tin retraso di cuater siman

Aruba

Construccion di rotonde Palm Beach tin retraso di cuater siman


Descubrimento di grondwater mas halto di loke a kere a pone cu mester a cambia e diseño di e rotonde na Palm Beach y hunto cune, a añadi 4 siman mas di trabou pa cual awo, e rotonde ta bay keda cla na fin di october di e aña aki. TREMPAN a acerca Departamento di Obranan Publico (DOW) y a papia cu Swinda Henriquez, Ingeniero civil, kende a duna un splicacion amplio di e status actual di e proyecto.

Construccion di e rotonde na Palm Beach a inicia despues di un periodo largo cu a registra un cantidad di accidente na e crusada aki den districto di Noord. E asunto a haya hopi atencion di automobilistanan, mas ainda despues cu e luznan di trafico no tabata den funcionamento.

E plan pa traha un rotonde tabatin algun caba riba mesa tambe, pero Departamento di Obranan Publico (DOW) no tabatin e fondonan necesario pa cuminsa cu e proyecto. Finalmente a logra yega na e recursonan  y e trabounan a cuminsa dia 7 di maart 2020.

Ora cu a cuminsa coba pa e rotonde, lamentablemente a topa cu e echo cu grondwater tabata hopi mas halto di loke a premira. Si a continua asina, e proyecto lo a resulta mas caro. Henriquez a splica cu a scoge pa bay bek na e drawing board y cu e informacion nobo a haci e ahustenan necesario. Esaki a nifica hisa e duiker y pone tubo mas smal.

Pa e informacion completo, lesa e proximo edicion di TREMPAN.





Source link

More in Aruba

To Top