Connect with us

Conmemoracion di prome aniversario di fayecimento di Kendo Dania a caba cu mama deteni

Aruba

Conmemoracion di prome aniversario di fayecimento di Kendo Dania a caba cu mama deteni


Relaciona cu un caso di maltrato cu a tuma luga diadomingo 17 di april algo pasa di 10:00 pm, polis a presenta awe merdia na aeropuerto pa detene tres persona envolvi den e caso aki.

Segun a compronde cu e anochi ey a spacha varios unidad di polis pa D-22 banda di Kooyman riba Watty Vos Boulevard. Ey tabatin un pelea grandi pafo, entre un grupo grandi di persona riba brommer y cu tabata drift cu auto. E evento tabatin di haber cu conmemoracion di prome aniversario di e hoben Kendo Dania cu a perde su bida tragicamente den accidente cu brommer. E hoben tabata hopi conoci y admira pa su dominio di brommer. Den e cuadro ey a organisa un evento na dicho localidad.

Entre tur cu a participa na e evento tabata tey tambe su mama, ruman y algun familiar mas cu a bin for di Sint Maarten pa forma parti di e conmemoracion aki. Den un frega di wowo un situacion tenso a escala di tal forma cu el a bira agresion formal, aki ta caminda un persona a ricibi golpi fuerte y te asta a perde djente. A pone un denuncia inmediatamente. Locual cu a bin compronde cu e incidente aki ta un desputa familiar. Entre nan e mama y ruman di e defunto contra tanta y demas envolvi.

Den ora di merdia (1:30 pm) transporte policial y diferente miembro di team di recherche a presenta na aeropuerto y detene tres persona. Entre nan e mama y e ruman muhe di e defunto Dania. A hiba nan warda di polis pa asina continua cu e proceso.





Source link

More in Aruba

To Top