Connect with us

Conflicto di interes: Ruman di Parlamentario Misha Raymond nombra na Griffie der Staten

Caribe

Conflicto di interes: Ruman di Parlamentario Misha Raymond nombra na Griffie der Staten


316825668 10167533452720268 6167925919491975966 nas

Hopi critica mes a surgi na momento cu a bira conoci cu un di e cuater personanan tuma den servicio na Parlamento ta ruman di e Parlamentario Misha Raymond. Esaki a causa un reaccion grandi momento a menciona esaki den e noticia di Speed Andrade y Patrick Paskel, esta Enfoke.

Ta cuestiona pasobra hustamente Misha Raymond y e partido na cual e ta pertenece a papia hopi di integridad y awo un di su rumannan a caba di haya trabou pa traha cu Parlamento. Un conflicto di interes grandi. E expresion “Nos no ta nan”, awo a resulta den “nos ta pio cu nan”.

316825668 10167533452720268 6167925919491975966 n

A cuestiona Miisha Raymond masha hopi mes pasobra na momento cu mester a busca un fractie medewerker pa e fraccion di Raiz, nan a haci un solicitud publico. Esaki siendo cu tur hende sa cu e persona aki no por ta cualkier persona, sino e mester ta un hende di confiansa di e parlamentario y di e partido. E splicacion cu Raiz a duna e tempo ey ta cu nan kier ta integro y pa e motibo ey a haci e solicitud di e forma ey.

Sinembargo na final, esun cu a haya e trabou ta e ruman homber di parlamentario Misha Raymond. Nada contra di esey, segun diferente fuente den mundo politico, pero no hunga un wega y despues toch ta bay haci otro cos.

Y awo manera cherrie riba e bolo, a bira conoci cu Griffier a haya personal nobo. Y un di nan ta nada mas y nada menos cu Xinara Raymond, ruman di e parlamentario di Raiz Misha Raymond.

Y e nombramento aki a pasa via di CHA (Comision di Asuntonan Interno di Staten), y pa straño cu e por zona ningun pero ningun hende, ni e Griffier Hek no a mustra nan obhecion riba e nombramento aki. Tuma bo mes ruman den un instituto ta bay contra di good corporate governance.

A pesar di conflicto di interes, Xinara Raymond lo drenta servicio di Parlamento dia 15 di juli awo. Tur e personanan aki nombra ta bay refirsa e Griffie der Staten. E prome, esta Xinara Raymond lo haya e puesto di Hoofd Informatievoorziening.

Tambe nan a haya un Notulist nobo, den persona di Lizienne Dirksz, kende lo cuminsa traha dia prome di augustus awo. Lizienne ta prima di Lyonel Dirksz, un coordinador di prome minister.

E di tres  person ta Nelson Geerman kende ta cuminsa dia prome di augustus awo den e funcion di Colaborador Tecnico.

E ultimo ta Judesca Briceño,  kende ta wordo translada entrante prome di september, 2024, for di Directie Economische Zaken Handel en Industrie pa GDS (Griffier der Staten) den e funcion di “Hoofd Beleid en Onderzoek”. E funcionario aki ta prima di e casa di Minister di Turismo Dangui Oduber.

Loke ta causa disgusto ta cu e hurista di Staten mes, esta Julie Thode, a solicita pero no a wordo acepta. Loke ta straño ta cu Judesca Briceño no ta un hurista pero si ta bira hefe di e unico hurista cu tin na disposicion di Parlamento. Esaki pa conocedonan ta hopi straño ta pasobra e Griffier di Staten mester ta un meester in de rechten.

Segun e informacionnan ricibi, ta tumando persona den servicio, sin cu tin un formatieplan traha. Pues no tin nada cu ta mustra cuanto hende Parlamento mester y den ki departamento.

Tur esaki ta sosode net un aña prome cu e siguiente eleccion parlamentario tuma luga. Probablemente si bini un gobierno nobo, tur e nombramentonan nobo aki, mescos cu esunnan na DPL, tambe lo bay wordo analisa.

Mester keda pendiente pasobra recientemente Minister di Integridad y Asuntonan di Adulto Mayor, recientemente a publica solicitud habri pa esnan cu ta bay traha na e Departamento nobo aki cu a crea. Un total di 13 persona nan mester pa drenta servicio.

Pueblo su wowo ta habri pa mira tur e nombramentonan aki.





Source link

More in Caribe

A2Z ADMINISTRATION

AD

To Top