Connect with us

Conferencia di Inspeccion di Salud (IVA): Restructura servicio di salud mental ta urgente y necesario

Aruba

Conferencia di Inspeccion di Salud (IVA): Restructura servicio di salud mental ta urgente y necesario


En conexion cu IVA su prome lustro, IVA a tene un  Quality of Healthcare Conference cu a tuma luga na Boulevard Events Aruba riba 25 y 26 di november 2022. E invitadonan tabata tur e dunadonan di cuido na Aruba, entre otro dokter di cas,  praktijkondersteuners (POH), specialista, fisioterapista, casnan di cuido y partera. E idea tras di e  conferencia tabata pa crea un plataforma unda tur dunadonan di cuido por comparti experiencia y  ideanan cu otro pa asina inspira otro. A dicidi di enfoca riba 5 tema cu IVA a wak den e transcurso di  e 5 añanan di nos existencia, cu ta influencia y tin un impacto riba e calidad di cuido duna  na Aruba. E temanan aki ta Leadership, Organizing Quality of Healthcare, The Learning Organization,  Communication in Healthcare y Collaboration in Healthcare.  

IVA a wak e temanan aki bin bek den kehonan di pashent durante e 5 añanan y den analisis di e posibel calamidadnan cu IVA a ricibi di e dunadonan di cuido mes. Presentacionnan tabata na encargo di diferente expertonan riba cada tema cu ehempelnan practico di e veld di cuido. Pues, ehempelnan di nan experiencianan y tambe e lesnan cu nan a siña. Banda di e presentacionnan aki, Inspecteur Gezondheidszorg di IVA, Cheryl Rosa-Fingal tambe a duna un presentacion. El a duna un presentacion tocante IVA su “Brilliant Failure”, pues un proyecto cu tabata tin tur bon intencion,  pero cu toch no a resulta manera IVA a spera. Importante semper ta kico a siña di e “fracaso” aki. E  presentacion aki ta basa riba e idea tras di e Institute of Brilliant Failure funda door di Paul Iske. E institucion aki su filosofia ta cu foutnan ta importante y mester wordo normalisa door cu  nan ta importante

den e proceso di siña. Iske tambe a duna un presentacion virtual durante e conferencia. 

E temanan sigur a lanta hopi pregunta y discusionnan importante durante e dos dianan aki. Entre otro cu mester: mas informacion di e servicionan di cuido na Aruba pa e pashent, inverti den cuido  primario y cuido cronico, restructura servicionan pa salud mental, mas comunicacion y colaboracion entre dunadonan di cuido pa loke ta intercambio di informacion y referencianan pa otro dunadonan  di cuido. E idea ta pa IVA pone e puntonan di discusion como prioridadnan pa e añanan cu ta bin. E  dunadonan di cuido mes a sugeri pa nan traha comisionnan chikito cu lo traha riba e puntonan aki. IVA tabata contento cu e participacion di e dunadonan di cuido presente y kier a gradici tur  participante y e oradonan cu a presenta durante e conferencia. E idea sigur ta pa organisa mas  conferencianan den futuro.

IVA t’ey pa monitor y sostene e dunadonan di cuido y pashent. Pa asina hunto por yega na mehoracion di cuido medico na Aruba.





Source link

More in Aruba

To Top