Connect with us

Conferencia cu orado di caliber halto: Siguridad fisico tambe cibernetico y compliance den Caribe

Aruba

Conferencia cu orado di caliber halto: Siguridad fisico tambe cibernetico y compliance den Caribe


Un conferencia internacional di caliber halto lo tuma luga e siman aki riba area di siguridad. Diferente orado manera entre otro hefe global di Facebook su security, tambe orado di FBI, Fortune 500 Companies y Air Force Mericano, pa menciona algun.

E di dos conferencia di siguridad na Aruba, ta pa trece tambe un balansa entre e parti fisico y cybernetico di security mirando e desaroyo grandi cu tin rond mundo pa cu esaki.  Aruba, y nos islanan ruman den Reino, ta chikito pero e chapter di ASIS tin un soño y ambicion grandi pa organisa un conferencia di e magnitud aki di taya internacional pero dirigi na nos hendenan local.

Diferente orado lo comparti informacion, conocemento y experiencia valioso como tambe lo crea oportunidad pa haci pregunta y forma netwerk cu otro. Entusiasmo ta halto mirando e taya di orado un biaha mas cu lo forma parti di e conferencia aki, cu na mes momento lo eleva nomber di Aruba y nos region.

Capacidad di nos hendenan den region, sigur na Aruba tambe, ta sumamente halto den siguridad y pesey mes ta purba di promove / stimula mas cu ta posibel, cu nos hendenan local por tin bon formacion pa duna traning y informacion riba e area aki.

E Dutch Caribbean chapter di Asis no ta solamente organisa conferencia anual pero tambe meeting riba nivel sumanete halto entre e islanan riba tereno di siguridad caminda ta comparti informacion valioso pa eleva e nivel di siguridad. Intencion ta pa continua cu e tipo di conferencia nan aki pa asina mantene tur hende cu ta envolvi bon informa riba tur desaroyo.

Un conferencia asina aki no ta posibel sin sponsor y como tal ta gradici cada un di nan grandemente pa e sosten.

Siguridad riba diferente tereno a bira esencial, e interpretacion di antes cu ta duna un hende un badge y cla, no ta e caso mas. E ta hopi mas compleho cu esey. Tin di selecta, ekipa y entrena un persona den e area di siguridad fisico awendia.

1n62a74323661de2.79228833

Pero locual ta cyber security, esaki a cambia e panora di seguridad  por completo. Algun aña atras esaki no tabatin un rol dje prominente manera cu e tin awe. Pero por a tuma nota, cu Aruba y otro pais chikito na mundo a bira victima / target na varios ocacion di atake cibernetico, entre otro riba  instancia gubernametal, semi-gubernamebtal pero tambe riba empresanan priva cu ta birando victima di cyber atacks.

Pesey mes ta enfatisa cu security su lema ta prevencion y como tal ta enfoke di e conferencia, aunke no ta laga afo e importancia di e parti fisico di siguridad cu tambe lo tin orado special pa elabora riba e tema.

Presente lo tey orado di Facebook , cu lo duna informacion riba con ta proteha e ehecutivonan di empresanan grandi den un mundo post pandemia. Mientras tur cos ta bay cambiando, no por sinta warda kico e cambio ta bay ta pero den mundo di siguridad mester ta un paso mas dilanti pa asina prepara y preveni. 

E 1st Caribbean Resilience, Cyber and Security Conference lo tuma luga dia 16 di juni, 2022 na Renaissance Convention Center. Porta ta habri 8:00 AM pa regsitracion y lo bay te cu 5:00 pm. Pa mas informacion por subi e website: asisidutchcaribbean.com caminda por resigtra y cumpra bo ticket pa asina participa.





Source link

More in Aruba

AD

Advertisement

Trending

Advertisement
To Top