Connect with us

Competencia di fli cu luz awe nochi na Centro di Bario Playa Pabao

CK8A1118 scaled

Caribe

Competencia di fli cu luz awe nochi na Centro di Bario Playa Pabao


E temporada spera di aña a yega cu tin e tradicion bunita di hisa fli cu ta gusta pa grandi y chikito, Centro di Bario Playa Pabou lo ta organisando e aña aki un tremendo evento di hisamento di fli.

Reportero Leo Geerman a combersa cu Dennis Burke cu ta Presidente di Centro di Bario Playa Pabao (CBPP) y a splica cu for di un tempo a ricibi un peticion di Luis Ras pa por ricibi e oportunidad di organisa un torneo di fli cu lo tuma luga pa tres dia, awe nochi lo tin e show di fli di luz y pa mañan diasabra y diadomingo lo tin e competencianan di fli den diferente categoria.

Luis Ras, organisado, a splica cu e evento lo cuminsa awe nochi na CBPP pa 7.30 pm cu un show di “fli di luz”, e condicionnan pa un fli cu iluminacion por participa ta: cu mester tin luz cu ta cende y mester por subi. Cada participante ta traha e “fli di luz” na nan creatividad y deseo, manera por ehempel: detaye di decoracion, airbrush, y diseño.

Pa awe nochi publico lo por disfruta di un show di “fli cu luz”. Lo yama e participante dilanti y ta hisa nan fli combina cu un show. Pa 9.00 pm lo tin homenahe special na 5 persona cu a dedica hopi aña di nan bida na e arte di fli.

Mañan diasabra 27 di april e competencia ta sigui cu competencia di fli durante di dia cu lo cuminsa pa 8:00 am, e fli cu a subi mas halto of conoci como “e fli di cabes” lo pasa e pa e siguiente ronda. Durante diadomingo lo sigui cu e competencia pa e fli di tamaño un poco mas grandi te maximo 3 meter.

E organisado a splica cu ademas di e evento di fli, lo tin varios actividad pa muchanan manera “Dinojump”, “popcorn”, “suikerspin.” Tambe lo tin un variedad di cuminda sabroso y bebida refrescante. Ras ta invita pueblo di Aruba por disfruta di e competencianan di fli cu lo tuma luga na Centro di Bario Playa Pabou awe nochi, mañan y diadomingo. Entrada ta gratis y tur hende ta bon bini pa pasa.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top