Connect with us

Commandant Abraham de Veerschool c’un 87% di graduado

Aruba

Commandant Abraham de Veerschool c’un 87% di graduado


Cu yen di entusiasmo, e alumnonan di Commandant Abraham de Veerschool a duna e resultadonan di examen pa aña escolar 2021-2022.

Den e prome periodo (Eerste Tijdvak) Commandant Abraham de Veerschool tin un total di 87% di graduado. Directora di Commandant Abraham de Veerschool, juffrouw Jane Bueno Gomez- Hooft,  a indica cu nan ta hopi contento cu e resultado aki. Ainda falta e di dos periodo (Tweede Tijdvak) cual ta trece e posibilidad di cu e cantidad di graduado por sigui subi. 

Manera tur aña, Commandant Abraham de Veerschool ta bin c’un tema na momento di entrega e resultadonan di examen. Juffrouw Jane a bisa cu nan tin un team hopi motivador, cu ta motiva tur e muchanan. E tema di e aña aki ta ‘Future under construction’, es decir, e cuerpo di docente hunto cu e mayornan ta yuda e alumnonan construi nan futuro pa tur loke nan kier bira den nan funcion cu nan scoge.

Pa loke ta e preparacion scol a bin c’un flatbom y baha pallet y klinkers riba cual juffrouw Jane a splica cu esaki tabata idea di e propio cuerpo di docente, den cuadro di e tematica di e aña aki. 

Mas aleu, juffrouw Jane a splica cu nan no tabata tin un aña facil, tur aña ta añanan yen di reto. Cada mucha tin nan problema na cas y e cuerpo di docente di Commandant Abraham de Veerschool ta yuda nan mas cu por, ya cu e meta final ta pa nan logra. Meta di tur scol ta pa tur nan alumnonan logra, mas cu nan por. 

Tambe na Commandant Abraham de Veerschool tin un sistema cu despues di scol, e alumnonan cu ta suak den cierto vaknan, por haya extra begeleiding. Tameb tin docentenan cu ta bay e extra mile, tambe diasabra y diadomingo si ta necesario. Esaki ta vooral, prome cu SO of SE, y tambe prome cu examen. Tambe si ta necesario, algun docente ta bay ‘the extra mile’ y ta duna les riba diasabra y diadomingo, den caso cu ta necesario. 

Na ultimo, juffrouw Jane a bisa su alumnonan cu no a logra ainda den e prome tijdvak pa no ‘give up’. Ainda tin chens pa logra. Y si esaki no ta e caso, tanten cu tin bida y tin rosea, tin speransa. 

Headlines Group, cas editorial di 24ora.com y bo matutino digital TREMPAN, ta felicita tur e graduadonan pa aña escolar 2021-2022.





Source link

More in Aruba

AD

Advertisement

Trending

Advertisement
To Top