Connect with us

Comerciante riba waf: Ni minister no sa ken a manda carta parti door di polis

Aruba

Comerciante riba waf: Ni minister no sa ken a manda carta parti door di polis


Diabierna ultimo polis a parti un carta p’e comerciante di e kiosconan n’e waf chikito unda nan ta duna ordo pa kita tur instalacion y mercancia cu por tin poni riba acera. Segun e carta, e practica aki ta violando dos ley di orden publico, fuera di ta pone bida di turista y di publico en general na peliger. A duna e comerciantenan un termino di un siman pa kita tur cos y advertencia di ricibi multa si no cumpli cu e ordo.

Manera tabata di spera, e carta aki a genera gran sorpresa y disgusto memey di e comerciantenan di e area cu tin masha hopi aña caba ta trahando n’e manera aki caba, sin cu ningun dia autoridad a duna obhecion. Adicionalmente ta duna como argumento cu e caya no ta uno hopi transita y cu ta suficiente hancho pa tanto auto pasa, como hendenan cana, sin ningun peliger.

Papiando cu un di e comerciantenan a comenta cu ningun hende sa ken a mand’e. Ora a check cu minister di husticia Rocco Tjon, e mes no sa di nada y a comenta cu e den ningun momento a traha un carta y a duna ordo. Sigur un situacion cu a bruha hopi hende, unda cu ningun persona no sa fo’i unda e ordo a sali.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top