Connect with us

Comandante van Vuuren: Contento di ta bek na Aruba

Aruba

Comandante van Vuuren: Contento di ta bek na Aruba


Zr.Ms. Holland a yega Aruba diadomingo atardi. Zr. Ms. Holland ta un ‘stationschip’ pa e area di Caribe, nificando cu nan ta duna asistencia na momento di calamidad y tambe den operacionnan anti-droga, como tambe por haci trabao di wardacosta, segun comandante di e bapor, Ronald van Vuuren.

For di comienso di october caba nan ta den e area y despues di cambio di aña nan lo keda activo. Pa loke ta e bapor mes, ta casi 110 meter di largura y tin un tripulacion di por lo menos 90 persona, consistiendo di un ‘boarding team’. Nan tin varios specialista riba area tecnico, personal y tambe di logistica. Nan tin dos ‘Interceptor’, dos boto cu ta uza pa ehecucion di nan operacion, ta intercepta y tambe controla boto di pesca.

Fuera di esey nan tin un helicopter di defensa, cu ta duna un bista riba un distancia largo, unda cu por mira kico ta pasa rond, tanto riba tera como riba lama.

Tambe e helicopter ta importante pasobra por bin cu accion di rescate (search & rescue) den e area di Caribe.

Tambe eventualmente por uz’e si e poblacion tin mester pa yega na luganan inaccesibel pa por hiba material of pa evacuacion di persona.

Zr.Ms. Holland ta pone enfasis riba e cooperacion cu nan diferente partnernan, entre otro Guarda nos Costa, Wardacosta, pa cual nan sa nabega pa nan, como tambe nan partnernan internacional.

Fuera di e diferente operacionnan cual nan ta purba mas tanto posibel pa tin e cooperacion cu e partnernan pa tin un miho resultado y mas rapido.

Por ultimo van Vuuren a comenta di ta contento cu nan t’ey bek na Aruba y esey tambe ta conta pa e tripulacion. Ta un tempo pasa cu nan tabata na Aruba. Esaki tin di haber cu e medidanan di COVID. E ta contento cu den e ultimo dos simannan, e tripulacion a keda salud. Van Vuuren ta spera cu e habitantenan tambe ta contento cu Zr.Ms. Holland t’ey di regreso.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top