Connect with us

Colegio Nigel Matthew solidario cu dos alumno completamente ciego

Aruba

Colegio Nigel Matthew solidario cu dos alumno completamente ciego


Diabierna siman pasa en conexion cu Dia Internacional di Garoti Blanco Strepi Cora, e alumnonan di Colegio Nigel Matthew a participa na diferente actividad di FAVI. 

Actualmente na Colegio Nigel Matthew tin dos alumno den CB3 completamente ciego. 

Nan compañeronan di klas a siña skirbi braille y a participa na diferente actividad wowo tapa. Nan a experiencia e reto pa basha awa y come sin por mira. Tambe nan a experiencia con nan compañero di klas ta mobilisa di un klas pa otro cu nan garoti riba tereno di scol. 

E meta ta pa nan compañeronan di klas compronde un hoben ciego y e retonan cu e tin cu tuma pa por participa na comunidad na un manera mas independiente posibel.

FAVI ta percura diariamente pa tur alumno cu limitacion di bista tin e oportunidad pa forma parti di nos enseñansa. Si bo nota cu bo yiu of alumno den klas tin un dificultad cu su bista tuma contacto cu FAVI na 582-5051 of 582-5222 y nos lo guia y sostene bo yiu of alumno.

FAVI kier enfatisa pa no warda te ora e bista bay mas atras pa buska ayudo. Specialmente bou nos hoben nan cu mayoria bes por pone nan cuido di bista na prome luga.





Source link

Click to comment

Leave a Reply

Your email address will not be published. Required fields are marked *

More in Aruba

To Top