Connect with us

CMO : No drenta den panico innecesario pa cu horcan Beryl

Caribe

CMO : No drenta den panico innecesario pa cu horcan Beryl


CMO Beryl 2

Horcan Beryl ta e di dos sistema tropical cu a haya nomber pa e temporada 2024 pa lama Atlantico y Caribe. 

Despues di analisa e sistema y datonan disponibel, mirando e proyeccion den consulta cu e diferente partnernan entre otro Meteo Aruba y esunnan regional, Crisis Management Office (CMO) a yega na e siguiente accion.

CMO no ta mira e necesidad pa activa e Crisis Team Nacional pa cualkier eventualidad relaciona cu Horcan Beryl. Diamars  proximo e horcan lo pasa parti noord di Aruba, cu e datonan actual, na un distancia di 530 km.

CMO, Meteo Aruba y partnernan den region lo keda den e fase di monitor te cu diamars pa cualkier desaroyo inusual cu Horcan Beryl. 

Den caso cu e lo por tin impacto riba Aruba,a traves di e prensa local, CMO lo sigui informa e comunidad di cualkier desaroyo di horcan Beryl.

Pa awor CMO ta conseha pa no drenta den panico innecesario.





Source link

More in Caribe

A2Z ADMINISTRATION

AD

To Top