Connect with us

CMMA: Campaña ‘Habri bo wowo’ den full swing

Aruba

CMMA: Campaña ‘Habri bo wowo’ den full swing


Diabierna atardi a tuma luga dilanti Nicolaas Store e di dos parti di tres fase di e campaña di ‘Habri bo wowo”. Cu esey ta presenta nan ‘display’ di e dia, cual ta un persona trahando den prostitucion. Esey ta un di e gruponan di riesgo cu nos conoce na Aruba.

Segun director di e scol, Jeanette Richardson-Baars, kende ta na cabes di CMMA (Coordinatiecentrum Mensenhandel Mensensmokkel Aruba), esey ta esunnan cu ta traha den e ramo aki cu ta vulnerabel pa trafico di hende. Tin hopi manera pa explota nan y esey no ta loke kier na Aruba. Ta p’e motibo aki mes a pone atencion riba dje. 

Na Nicolaas Store e team di CMMA tabat’ey partiendo flyers y dunando informacion riba e trabao y tambe kico ta diferencia entre trafico y contrabanda di hende. Cu esey ta pidi atencion p’e problematica aki.

Si un persona cu kier ta yuda of kier tuma contacto cu e centro, Richardson-Baars a menciona cu tin diferente manera cu por duna informacion of yuda. Prome tin e hotline, cual ta pa asistencia inmediato. Esey ta por ehempel si un persona cu ta victima di trafico of conoce un hende cu por ta victima, por yama e hotline 5923231. Si tin pregunta of mas informacion por bay riba nan website cu ta www.habribowowo.com of manda un email pa [email protected]

Pa cualkier pregunta, t’ey pa yuda un y tur. Fuera di esey nan ta riba social media: Facebook, Instagram, Twitter. Esey tambe ta CMMAruba.

PAPEL DI CMMA

CMMA ta un instancia cu ta trahando pa formalisa bao di ministerio di husticia, cu tin tres tarea. Tareanan ta informacion, educacion y asistencia.

Esey ta nifica cu nan ta manera e loket cu hende por haci nan pregunta of manda nan informacion. Trafico di hende ta un hecho cu tur tiki informacion ta importante. No por ta un storia completo, pero hende por duna informacion. Di dos ta educacion, kico nan ta haciendo cu nan campaña ta pa educa hende. Di tres ta asistencia. Si tin victima di trafico di hende, e ora CMMA ta percura pa nan haya e asistencia rekeri.





Source link

Click to comment

Leave a Reply

Your email address will not be published. Required fields are marked *

More in Aruba

To Top