Connect with us

Club Caiquetio ta celebra cu ‘Bingo di Tan Tan’

Aruba

Club Caiquetio ta celebra cu ‘Bingo di Tan Tan’


Diabierna 26 di november, Club Caiquetio ta di fiesta pa motibo cu pa mas di 2 aña porfin ta habri su portanan pa e amantenan di bingo. Club Caiquetio ta conoci como e cas di bingo preferi aki na Aruba pa mas di un decada. Ta varios organisacionnan deportivo, fundacion y otro instancia nan cu a yega di hasi uso di Club Caiquetio su facilidad. No unicamente pa bingo so, pero pa actividadnan cultural, canto baile y  social y mas! 

Andy Farro  vocero di Club Caiquetio a informa cu ta contento di por cumpli cu e anhelo y deseo aki un biaha mas. Club Caiquetio tambe a conoce su retonan pa motibo  di e pandemia y a sufri a consecuencia di no por a huur su facilidad manera costumbra.

Despues di a evalua y consulta cu nos miembronan, directiva a tuma e decision pa cuminsa habri su porta nan pa organisa su propio bingo respetando y cumpliendo cu regla nan cu tin vigente di parti gobierno y DVG.

Joy Fingal a enfatisa cu Directiva di Club Caiquetio no a para keto y a sondea alternativa nan pa sigui opera y brinda na e mes un momento un servicio completo na tur esnan cu tin pensa di organisa un bingo fundraising den futuro. Awor Club Caiquetio mes por brinda esaki pa motibo cu Club Caiquetio awor tin su propio machine di bingo y tur ekipo di bingo manera, carchi di bingo y markers. Tambe nos ta conta cu un ekipo profesional cu lo ta encarga pa brinda e servicio di bingo den club y como tambe lo transmiti esaki via live streaming pa esnan cu ta prefera di hunga bingo na cas.

Awor Club Caiquetio ta brinda un servicio unico y innovativo y mas amplio na tur organisado di bingo. E hungadonan di bingo por scoge pa hunga bingo den club te cu cierto cantidad di persona, of por scoge pa hunga bingo na cas. Lo transmiti e bingo en bibo na TV y como tambe riba Facebook y Radio. 

Despues di hopi tempo: Bingo di Club Caiquetio lo cuminsa bek

Posted by 24ora on Tuesday, November 9, 2021

Dia 26 di november proximo ta nos prome bingo fundraising di club mes y ta hiba e nomber ‘Bingo di Tan Tan’. Por cuminsa  reserva mesa adelanta pa motibo cu ta 400 persona unicamente por tuma den club. Na cada mesa, por sinta 3 persona y lo ricibi 6 carchi di bingo pa mesa. Pues cada mesa tin costo di Fl.150,= 

Pa reservacion di mesa, por comunica na cell: 747-9866.

Special di ultimo ora:

Pa 1 dia so, diaranson 10 di november 2021 pueblo tin e oportunidad pa probecha di un Super special riba carchi di bingo na Super Do it Center Customer Service henter dia, como tambe na Club Caiquetio entre 5:00 pm pa 7:00 pm. Cumpra 2 y ricibi 3.





Source link

Click to comment

Leave a Reply

Your email address will not be published. Required fields are marked *

More in Aruba

To Top