Connect with us

Clifford Heyliger (AVP): Medida ta Medida

Aruba

Clifford Heyliger (AVP): Medida ta Medida


Landspakket no ta un logro. Landspakket ta un medida contra e Pueblo Arubiano

  • Logra ta ora bo tin un vision cu ta transforma e isla den un paraiso turistico;
  • Logro ta ora bo tin capacidad pa rescata Aruba for di e crisis economico despues di csiere diLago;
  • Logro ta ora bo inspira un pueblo pa anhela nan libertad y autodeterminacion. Logra StatusAparte y despues convence Hulanda pa scrap e fecha di independencia;
  • Logro ta ora bo por saca Aruba for di un deteoro fysico y social y renove y modernise cuinversionan trasformatorio den dialogo cu partnernan social y asina bira e isla caribense cu e mihor producto pa pueblo y su bishitantenan;Siman pasa nos Prome Ministro EWCroes a haci lo contrario ora e la bolbe firma e landspakket causando cu Aruba ta haci miles di stap atras riba tur e logrnan grandi y haci nos isla uno sin propio vision, bahatilisando nos propio capacidad y pone Aruba y Pueblo den pena y dolor.Cu otro palabra siman pasa prome minister a confirma, cu e no tin capacidad pa yega na otro acuerdo of interes pa yega na otro palabracion y ta bai impone mas medida ainda riba e trahadonan, nos grandinan y comercio.Ban ta claro y honesto. Integridad ta dicta cu bo ta bisa loke bo kiermen y kiermen loke bo ta bisa (papia e berdad).E Landspakket di EWC ta contene hopi medida cu haya nomber nan bunita. Permiti mi traduci nan pa asina mustra pueblo loke ta spera nos tur

Mi a tuma nota con nos gobernante nan cada biaha ta busca palabra bunita pa bende pueblo un otro medida

  • Landspakket = medida contra pueblo su soberania y engrandese e poder colonial Hulandes
  • Recorte den AZV = medida contra pueblo cu ta afecta esnan cu salud mas vulnerable
  • Reforma Fiscal = medida di belasting.
  • Fair share = excusa pa argumenta gobierno su sed pa mas placa
  • Flexibilsacion di ley laboral = medida contra trahado
  • Normering salarissen = medidad contra profecional nan di sector semi priva y NV’s nan digobiernoManera nos por wak e landen pakket ta un acuerdo di medida. Gobierno a firma esaki sin consulta cu pueblo pero ta pueblo tin cu bai carg’e.Pueblo a wordo primiti cu lo percura pa nan haya placa (FASE) y pan pa come si vota pa MEP. Awe nos ta wak e realidad. Ta bai stop FASE y sosten pa cuminda ya no ta vigente mas.Niun dia a wak e plan concreto pa saca Aruba for di e situacion financiero cu nos ta aden. Te ainda nos no a haya un plan di rescate pa wak. Con ta bai rescata nos economia, con ta bai crea pilar nan economico nobo, con lo cuida e calidad di bida di nos hende nan?

Cuatro aña nos gobernantenan a pasa ta crea nomber nan bunita na lugar di traha crea pillar nan economico nobo.

Nos como pueblo mester ta mas critico y exigi di nos gobernantenan pa traha pa nos bienestar y no di un grupito. Pueblo ta sufriendo, pobresa ta reina den miles di hogar, enseñansa di nos yiunan ta worde neglisha, ta corta den cuido di salud di nos grandinan, ta corta den salario di tata y mama nan di famia trahador, nos hobenan ta perde speransa y fe den bida y futuro.

Gabinete Evelyne Wever Croes tin Aruba ta yorando te den profundo di su alma y e unico y cos nos ta wak ta con nan, e gobernantenan aki, ta planea un medida tras di otro. Tur esaki mientras cu rond di nan mes tur dia tin mas nombracion y mas promocion.

Aruba no por mas ! Aruba merece Mihor !.





Source link

Click to comment

Leave a Reply

Your email address will not be published. Required fields are marked *

More in Aruba

To Top