Connect with us

Ciudano ta denuncia polis di a mata su gaynan di pelea

Aruba

Ciudano ta denuncia polis di a mata su gaynan di pelea


Diahuebs, autoridad policial a tene varios entrada hudicial na varios cas den diferente bario di Aruba. 

Un di e casnan cu nan a drenta, tabata di e ciudadano Miguel Geerman na Monserat. E ciudadano a tuma contacto cu nos redaccion di 24ora.com y TREMPAN, pa asina e por vocifera su malcontento. 

Na Monserat, e ciudadano, Miguel Geerman, a denuncia cu durante e entrada hudicial di diahuebs, e agentenan policial a trapa riba su gaynan di pelea y a laga algun di e haulanan habri. Esaki a haci cu e gaynan den cura a cuminsa bringa cu otro te cu algun a fayece. 

Segun Geerman, e gaynan ta mescos su yiunan. Tur mainta e ta lanta ta dunanan cuminda. E ta cuida di nan. E ta haya cu autoridad ta abusador. Nan a mata su bestianan cu el a paga basta placa pa nan. 

Dos recherche tabata para band’i dje ta hari y no tabata worry cu e dolor di Geerman pa wak con tabata maltrata su bestianan. Nan a laga e haula di e bestianan habri y e gaynan a bringa cu otro, te mata otro. Algun di e bestianan, segun Geerman, e polisnan a simplemente trapa riba nan, y ni bira waknan. E ta haya esaki un trato inhusto. 

Mas aleu, Geerman a indica cu e no a nenga di coopera cu polis, pero si e ta haya cu tabata tin otro manera pa haci esaki. Ken ta bay pag’e pa su gaynan cu el a cria y pa cual el a paga placa pa nan?

Por ultimo, Geerman a bisa di ta cansa di e actitud di autoridad cu no tin respet pa nada mas.  





Source link

More in Aruba

To Top