Connect with us

Cincuenta aniversario di Bienvenido Alberto na Tropical Bottling Company

Aruba

Cincuenta aniversario di Bienvenido Alberto na Tropical Bottling Company


Gerencia y empleadonan di Tropical Bottling Company N.V. a reuni na Balashi Beergarden cu nan colega Bienvenido Alberto pa celebra su 50 aniversario cu e compania. Tabata dia 11 di augustus 1971 cu Bienvenido a cuminsa traha na Tropical Bottling Company N.V. sortiando boter di refresco.

Den un tempo cortico Bienve a cuminsa traha den area di produccion, pero despues tabatin mester di un helper riba ruta di benta y el a bula bay riba ruta como Helper. Atrobe Bienvendo no por para keto y den algun tempo a cuminsa stuur truck y a bira driver. Ora cu a habri oportunidad den planta pa un mecanico y Bienvenido cu ta un persona cu ta stima mecanica, a gara oportunidad aki di biaha.

Tropical Bottling Company N.V. a cuminsa un proyecto chikito di vending y tambe post mix bao di guia di defunto Sr. Eddie Porry. Aki e departamento di postmix a nace y Bienvenido tur dia a cuminsa drecha y hinca e mashinnan den otro. No a dura mucho cu a cuminsa instala mashin na diferente cliente. Bienvenido tabata guia un grupo chikito den e departamento di postmix pa instala, drecha y mantene e ekiponan den bon condicion.

Na aña 1999 Bienvenido tabata e piesa clave ora cu cerbes Balashi a bira parti di e famia di Tropical Bottling Company N.V. Bienvenido a traha incansabel pa pone cerbes Balashi traha riba ekiponan di post mix.

Bienvenido ta un persona cu ta duna servicio di 24/7/365 na clientenan, semper cu un carisma y cu un sonrisa riba su cara. Su carisma y actitud positivo ta contagioso cerca tur hende. Su palabranan di saluda semper ta “Kico ta kico /BIBA LEKKER!”

Bienvenido masha danki pa e contribucion cu semper bo a duna na Tropical Bottling Company N.V. y MetaCorp.





Source link

Click to comment

Leave a Reply

Your email address will not be published. Required fields are marked *

More in Aruba

To Top