Connect with us

Chubato Beer World den caya grandi ta en espera di bo bishita

Aruba

Chubato Beer World den caya grandi ta en espera di bo bishita


Chubato Beer World ta un concepto unico di cerbes, situa den centro di Oranjestad, den caya principal. E ta un concepto unda ta ofrese mas cu 250 tipo di cerbes, local y internacional. E ta inclui nos cerbesnan local, tur esunnan cu nos pueblo di Aruba ta custuma cu ne, pero tambe un surtido grandi di diferente Craft beer, Dark beer, IPA’s, cu diferente % di alcohol. Mescos cu ta experiencia un biña, nos kier pa bo por haya un experiencia unico di cerbes den tur sentido di palabra, un “beer experience”.

Chubato Beer World a habri su porta yen positivismo, durante pandemia,, unda cu a draai poco limita a consecuencia di tur e restriccionnan di Covid. Ora mercado a habri y restricionanan a baha, por a mira un necesidad di algun cambio, asina por acomoda mas cliente y amante di cerbes. Pa es motibo, nos a cera pa 2 siman, y haci un renobacion chikito. Prome cos cu nos a haci ta amplia nos surtido pa mas cu 250 tipo di cerbes. Cambio cu a tuma luga paden ta entre otro cu nos a haci e luga dobbel mas grandi. A cuminsa cu 4 mesa, pero cu e cambio awor nos tin luga pa 13 mesa. Tambe, awor nos ta trece nos “live” music paden, unda cu nos tin un “mini stage” pa musiconan por duna presentacion en bibo. Tambe nos a amplia nos menu di cuminda cu un surtido mas grandi di “bar food” traha den nos cushina. Awo tambe tin 4 TV grandi pa por stream deporte of otro evento. Adicionalmente, awo tin un mesa di billiard y un area pa por haci e deporte di “Dart”. Orario nobo ta bira como lo siguiente: den siman dialuna pa diahuebs, for di 12:00 di merdia pa 12:00 di anochi. Riba diabierna y diasabra, nos orario ta for di 12:00 merdia pa 1:00 am. Diadomingo nos ta habri pa eventonan special.  Awor, Chubato Beer World a bira e luga pa “eat, drink & play”.

Diabierna 17 y diasabra 18 di juni lo habri oficialmente bek pa publico. Como gesto special pa nos comunidad, nos lo destina 10% di nos benta di e dos dianan aki pa un fundacion. E fundacion aki ta Stichting Adopt an Addict, cu ta haci su esfuerso pa yuda cu un otro problema grandi cu centro di ciudad ta sufri di dje, esta addiccion y adicto ambulante . Lo tin un box obtenibel tambe pa donacion cu lo bay direct p’e fundacion. 

Situa den caya principal di Oranjestad, dilanti Plaza Niki Habibe, Chubato  Beer World ta forma parti di e renobacion cu companianan priva ta hacienda den centro di cuidad, cu negoshinan innovativo,  unico cu mester bay hunto cu e cambio cu ta tumando luga den nos mercado y mercado internacional.  Y particularmente, e cambio cu mester tuma luga den caya principal. E idea bieu di “retail” so, no ta funciona mas. Entre otro mester bin mas  luga di “food and beverage”, night live, pero combina cu retail,  vivienda, cu apartments, studios etc… Y asina tambe trece un control social den e area. Pero, reglamento y permiso mester bira hopi mas alcansabel pa e propositonan aki, y a cu e burocracia pa yega na, entre otro un simple restaurant vergunning, y tambe un precario Vergunning ta increibel y ta dura mucho hopi. No ta pidi versoepeling, pero ta pidi hopi mas eficiencia den tur e procesonan aki.

Tieleman Enterprises VBA ta sigui sostene y ta keda positivo den e potencial di nos Caya Principal. Un caya bunita, cu hopi oportunidad pa hopi tipo di actividad economico. Ta asina mes, nos compania ta sigui cu ideanan unico y hunto cu Chubato Beer World, tambe a desroya  otro concept stores den e mesun edificio, entre otro Holland Roots, In Bloom Studio, y tambe Coffee Break y Aruba Coffee Roasting Company, tur haciendo e experiencia di bin shop den Caya bek mas atractivo, y “the place to be”.





Source link

More in Aruba

AD

Advertisement

Trending

Advertisement
To Top