Connect with us

Chauffeur y pasahero deteni na Nuñe

Aruba

Chauffeur y pasahero deteni na Nuñe


Tabata den ora basta avansa di marduga ora cu a pone polis na altura di un auto cu tabata practicamente core zig zag riba caminda.

Segun varios testigo tabata trata aki di un Ford Edge cu tabata bin di Playa yegando e Rotonde di Paperclip na Sero Patrishi. 

Loke tabata remarcabel ta na momento cu e auto a yega e rotonde, na luga di subi na e manera corecto, a tuma e di cuater salida robes, direccion Cas Casuela.

Aki e chauffeur a bira na su man drechi, bay direccion nort y a baha fo’i caminda, cerca di Cadushi supermarket. Despues di esey el a subi caminda bek y leu leu tabata hala na su man robez di caminda, casi dal frontal contra trafico contrario.

Unabes n’e rotonde di Tanki Leendert, e auto a bira bay ariba y dilanti di Ruiz Take Away a sigui su caminda direccion Nuñe

A pone polis na altura di e hecho y di biaha a sali bay en busca di e auto. A logra par’e na Nuñe.

A haci test di alcohol cu e chauffeur, cu a sali malo p’e. No a keda nada otro di detene. Sinta den e Ford Edge tabatin un pasahero. Pero papiando cu ne, esaki tabata pata pata, pasobra e no por ni dirigi palabra, ora cu polis a pidie pa yama un hende bin busc’e. E no por a ni haci un yamada di telefon.

No a keda nada otro di detene e pasahero tambe. Ambos persona, tanto chauffeur como su acompañante a bay warda caminda cu a presenta dilanti fiscal auxiliar, pa despues encarcela pa nan saca nan wayaba.

Chauffeur a crusa rotonde di otro banda

Posted by 24ora on Saturday, October 30, 2021





Source link

Click to comment

Leave a Reply

Your email address will not be published. Required fields are marked *

More in Aruba

To Top