Connect with us

Charla y actividad cultural na Scol di Arte San Nicolas diahuebs awo

Aruba

Charla y actividad cultural na Scol di Arte San Nicolas diahuebs awo


Riba diahuebs 26 di januari den cuadro di e “Aruba Calypso Heritage Week”, ta organisa un charla y actividad cultural na Scol di Arte San Nicolas. Dr. Gregory Richardson, Antropologo Cultural y Musicologo Arubiano, Dr Charissa Granger, lo duna un charla interesante pa henter comunidad. 

E oradornan lo enfoca riba musica y “performance” durante carnaval y e formanan di resistencia, manera baile entre otro. Lo tin oportunidad amplio pa haci pregunta y intercambia cu e presentadonan. 

Despues di e parti oficial, lo sigui den un atmosfera festivo cu un presentacion di nada otro cu The Boys Dem, lidera pa Robby Philips riba e steelpan. The Boys ta conoci pa nan diversidad musical riba steelpan cu ta hopi amplio. Nan specialidad naturalmente si ta Calypso y Soca. 

E meta principal di e charlanan aki ta pa educa y intercambia cu e pueblo Arubano riba un topico tan stima bou di nos comunidad den un esfera ameno. 

E actividad lo cuminsa pa 7:15 te cu 10:30 pm y lo ta den e idiomanan Ingles y Papiamento. Entrada general ta gratis.





Source link

More in Aruba

To Top