Celebrando 89 aña di edad di Cuchi Thielman

Su nomber ta Eufemio Thielman, naci na Boneiro, biba na Corsou y despues pa mayoria di su bida a traha, biba y a forma su famia aki na Aruba. E ta casa cu señora Maida y tin cinco yiu; Maritza, Baron, Renso, Richi y Jigo Thielman. Ayera el a celebra su 89 aña di bida y salud.

Memey di famia y sernan stima, incluyendo un famia cu a biaha for di Boneiro pa Aruba, a celebra e hacimento di aña na Fish House na Varadero. Cuchi Thielman a sirbi Cuerpo Policial di Antias y Aruba pa hopi aña y ta gosando di su pensioen bon mereci. Ainda e ta masha activo den actividadnan di polis y ta un miembro fiel di OPPA tambe. Nos ta desea Cuchi hopi aña mas di bida y specialmente hopi salud.