Connect with us

Celebrando 4th of July na Aruba: Un tradicion tropical

Caribe

Celebrando 4th of July na Aruba: Un tradicion tropical


Aruba no solamente ta un destino di zomer p’e amantenan di solo; el a converti den un luga popular pa celebra 4th of July. E bishitantenan di varios parti di Merca ta acudi n’e isla pa disfruta di e festividadnan. Nos a papia cu varios turista riba nan experiencia  y pakico nan gusta pasa Independence Day na Aruba.

Repeat guests y entusiasta nobo ta adora Aruba

Angela Foley fo’i Boston, Massachusetts, ta bishitando Aruba pa prome biaha. “Ta mi prome aña, mi prome biaha. E ta increibel absolutamente,” el a bisa. A pesar di ta haya falta di e clima friu di su hogar, e ta emociona di ta na Aruba p’e festividad.

IMG 0126

Marissa Bergman y Austin Wingfield fo’i Richmond, Virginia, tambe ta bishitante pa prome biaha. “Si, ta nos prome biaha na Aruba y e ta bunita. Nos lo bolbe. Defintivamente nos lo bolbe,” nan a comparti cu entusiasmo. Nan a nota e vuurwerk riba e isla ta mas accesibel compara cu e extenso biahe cu hopi biaha ta rekeri pa mira e show na Merca.

Un mescla di repeat guests y entusiasta nobo

Sherry fo’i Long Island, New York, ta bishitando Aruba durante por lo menos 20 aña, pero ta celebrando su prome 4th of July riba e isla. “Mi gusta cu boso ta celebr’e. E ta bunita. E vuurwerk tabata increibel. Ta realmente agradabel ta aki,” el a comenta, destacando e respet di e isla p’e festividad Mericano.

Geneva fo’i Orlando, Florida, a experencia Aruba pa prome biaha. El a sorprende gratamente bisado, “Nos a pasa e dia cant’i pool y despues esaki ta un di e miho espectaculonan di vuurwerk cu nos a mira den hopi tempo.”

Carly fo’i South Jersey ta riba su di tres biahe pa Aruba, pero su prome 4th of July. El a haya e show di vuurwerk impresionante, afirmando, “E vuurwerk tabata e mihonan cu mi a mira den hopi tempo, hasta compara cu loke mi a mira na Merca.”

Sperando e futuro actividadnan

E consenso general entre e turistanan ta un fuerte deseo di bin bek. Hopi a expresa plan pa bolbe Aruba p’e futuro celebracionnan di 4th of July. E combinacion di bunita beach, clima calor y e vuurwerk espectacular ta haci cu e ta un alternativa atractivo p’e celebracionnan tradicional na cas.

Mientras cu mas bishitante ta descubri e encanto di celebra 4th of July na Aruba, parce cu e tradicion tropical aki solamente lo sigui crece den popularidad.





Source link

More in Caribe

A2Z ADMINISTRATION

AD

To Top