Connect with us

CDC a adapta e nivel di risico pa Aruba

Aruba

CDC a adapta e nivel di risico pa Aruba


American Centres for Disease Control and Prevention (CDC) dialuna a adapta e nivel di risico di Covid-19. El a baha di categoria 4 pa categoria 3. Aruba actualmente ta conta cu 84 caso activo, algun caso menos cu siman pasa.

Diadomingo, Minister Dangui Oduber (MEP) di Salubridad Publico a anuncia e adaptacion cu tabata spera pa algun tempo caba. Nivel cuater ta e nivel di mas halto cu CDC ta maneha. E color cora scur ta indica cu e ta nivel di contagio ta ‘hopi halto’.

CDC ainda no a adapta su portal www.cdc.gov, ya cu eyriba ainda Aruba ta marca na nivel 4. Tanto Corsou cu Boneiro tambe ta aparece cu paisnan di risico halto (categoria 4). Dialuna CDC lo adapta e nivel di contagio pa 3 (halto).

Esaki sigur ta un noticia faborabel pa turismo Mericano. Mas abou e nivel di contagio ta, mas probabilidad tin pa Aruba ricibi mas turismo procedente di Merca. Gobierno no tin influencia riba e decision di CDC. E instituto Mericano ta wak e cantidad di casonan pa un cierto periodo y ta basa su decision ariba esaki.





Source link

More in Aruba

To Top