Connect with us

CBS a scoge dies hogar ganado di su encuesta ‘Entrada y Gastonan’ di periodo 7 y 8

Caribe

CBS a scoge dies hogar ganado di su encuesta ‘Entrada y Gastonan’ di periodo 7 y 8


Dia 15 di november 2023, Oficina Central di Estadistica (CBS) a cuminsa cu e Encuesta di Entrada y Gastonan. Manera nos a menciona e encuesta di Entrada y Gastonan ta encera dos parti:

Hogarnan participante lo wordo puntra pa contesta algun preguntanan tocante gastonan cu e hogar a haci durante e 12 lunanan cu a pasa prome cu e encuesta aki
Hogarnan participante lo wordo pidi pa yena un Buki di Gastonan Diario. Den e buki aki tur gasto di tur miembro di e hogar mester wordo yena pa un periodo di 2 siman.

Teniendo na cuenta e esfuerso cu un hogar mester haci pa e encuesta aki, CBS a logra bin cu un incentivo pa hogarnan participa. Hogarnan cu a participa completo na e encuesta aki a duna nan number di telefon pa asina nan por participa pa gana un incentivo cu ta un bon di supermercado na balor di Afl.100

Logo IES 2023 2024 Blauw

CBS ta anuncia e ganadonan di e di shete y di ocho periodo y alabes ta mantene e anonimidad di e hogarnan ganado. E 10 hogarnan ganado pa e di shete periodo cu a tuma luga den luna di mei 2024 ta parti den e siguiente areanan di Aruba: 3 den Oranjestad, 3 den Santa Cruz, 2 den Savaneta y 2 den Brasil.

E 10 hogarnan ganado pa e di ocho periodo cu a tuma luga den luna di juni 2024 ta parti den e siguiente areanan di Aruba: 1 den Noord, 2 den Oranjestad, 3 den Santa Cruz, 2 den Savaneta y 2 den San Nicolas.

CBS a tuma contacto cu e hogarnan aki pa asina nan por busca nan bon di supermercado. Na final di juli 2024 lo saca e ganadonan di periodo 9. Di e manera aki CBS kier sigui incentiva hogarnan pa coopera cu e Encuesta di Entrada & Gastonan 2023-2024.





Source link

More in Caribe

A2Z ADMINISTRATION

AD

To Top