Connect with us

Cas a kima den Fiyostraat

Aruba

Cas a kima den Fiyostraat


Diasabra marduga polis y brandweer a bay cu un urgencia den Fiyostraat pa un cas na candela. Door di e hecho aki mester a evacua varios famia for di e are, debi cu e candela aki a expande hopi lihe. Por a scucha explosion hopi duro saliendo dje cas. Polis a cera e area pa asina brandweer atende cu e candela aki.

Ambulance tambe a yega n’e sitio pa asina atende esunnan cu mas tabatin mester di ayudo. Tabatin un persona cu a guli hopi huma y tambe tabatin persona cu corta na man. Personal di slachtofferhulp tambe a presenta. Door cu awa a yobe a yuda den e proceso di pagamento di e candela di e cas.

A pidi tur hende pa bandona e area mirando cu tabatin explosion a tuma luga. Ta un accion completo a tuma luga pa combati e candela, un situacion hopi serio. Tabatin hopi huma saliendo di e cas, despues cu brandweer a medio domina e candela. Un situacion sigur hopi lamentabel di loke a sosode. Awo tin di bay saca afo kico ta e origen di e candela.

Candela cu daño devastado na cas den Fiyostraat. Diferente famia evacua for di e area.

Posted by 24ora on Friday, December 3, 2021





Source link

Click to comment

Leave a Reply

Your email address will not be published. Required fields are marked *

More in Aruba

To Top