Connect with us

Caribbean Town ta desvela maquette di e proyecto

Aruba

Caribbean Town ta desvela maquette di e proyecto


Diabierna a tuma luga lansamento oficial di pre-benta di Caribbean Town VIllas & Appartments, den presencia di diferente stakeholder y partnernan clave. 

Un proyecto diseña specificamente pa nos comunidad local cu a bin pa innova e manera cu nos ta biba riba nos isla. Director Yambo Developments 17A N.V., ing. Victor Acosta, a cuminsa na bisa cu ya caba nan tin un par di aña ta trahando riba e proyecto aki. E ta contento cu a yega momento pa presenta, oficialmente, e producto cu nan ta bay construi, na e comunidad Arubano, cu ta buscando un solucion efectivo, sostenibel financiero pa locual ta nan vivienda, unda por biba tranklil cu famia.

Caribbean Town ta un proyecto dirigi, pensando riba nos hendenan Arubiano. PEnsa ariba con nos ta biba den nos cas, cual ta e componentenan cu nos ta uza. P’esey a proyecto ariba, a diseña edificio halto, caminda un comunidad por biba trankil. 

E proyecto ta consisti di dos fase, c’un total di 328 unit residencial, cu cuater local comercial. TIn 256 apartamento, 40 ta cas y 32 villa. Tin pool, un cancha di basket, un cancha multifuncional, un plasa y mucho mas. 

Den e prome fase, lo construi dos edificio residencial, Turks & Caicos, cu ta consisti di 56 appartment. E di dos ta Guadaloupe Residence, cu 70 apartamento y shete piso halto. Lo tin tambe dos Townbuilding. 

Prijs di proyecto ta cuminsa na 150 mil te cu 300 mil florin den e prome fase. Den weekend, durante e evento di pre-benta, lo splica mas di e punto di bista financiero, lo informa di e beneficionan di e proyecto aki. Tin un lista largo di ciudadano cu ta pendiente pa yega na nan tereno, cual ta haci e rol di DIP den e proyecto aki, uno hopi importante. 

Haime Croes, director di DIP, a splica cu gobierno na comienso di gobernacion, tabata tin un vision pa loke ta teritorio. E vision tabata un desaroyo duradero, sostenibel pa nos espacio Arubano. Pero mester sa kico e significa? Gobierno kier pa tin un balance, entre e desaroyo economico, social y medio ambiente. E ultimo aki, ta hunga un rol hopi importante pa desaroyo di nos pais.  Nos tur kier biba sano y gosa di nos flora y fauna. 

A base di esaki, DIP a haya, e tempo ey, un opdracht pa traha un ROP y un ROPV, unda ta tene cunta cu esakinan. basa riba esaki ta traha e pronosticonan. Con grandi Aruba ta y esey ta bira nos capacidad di carga. 

Esey a pone cu a bay bek pa wak ki espacio tin ainda pa nos hendenan. Si pone calculacion y oone Censo tambe, manera desaroyo ta planea, lo pone Aruba na 132 mil habitante, di 50 mil famia pa 2025. Esaki ta indica cu lo mester di 5 mil cas cu mester bin den periodo di cinco aña.

Aki ta unda mester tene cuenta cu : cu capacidad di carga, cantidad di luga cu tin ta basicamente limita (Schaars) y mester cuminsa pensa pa futuro. Si no pensa pa futuro, lo tin problema cu e siguiente generacion. Nos yiunan tambe tin derecho pa gosa di loke nos tin awo. 

Tin limitacion di teritorio, pero tin demanda di mas di 5 mil. Pero cantidad limita di tereno, mientras cu e demanda ta hopi. Den e proximo añanan di duna nos hendenan cas, segun director di DIP, ing. Haime Croes. 

Jennefer Dirksz, Sales & Marketing Manager, di Caribbean Town Villas a presenta e dos (prome) cumpradonan di e proyecto di Caribbean Town cualnan tabata Nathalie Meira y Larissa Bermudez, cu a firma e acuerdo di compra. 

Por ultimo, a tuma luga desvelo di e maquette di Caribbean Town Villas & Appartments, den presencia di ing. Victor Acosta, mr. Lincoln (Dello) Gomez, Ing. Haime Croes y demas invitadonan. 





Source link

Click to comment

Leave a Reply

Your email address will not be published. Required fields are marked *

More in Aruba

To Top