Candela den un cas na Comanchestraat

Diamars anochi habitantenan di Caya Quant a constata cu tin huma saliendo fo’i un cas n’e skina di Comanchestraat na San Nicolas y e candela tabata birando grandi y a bati alarma na autoridad. A despacha truck di brandweer y polis cu urgencia. Na yegada di e prome truck e bomberonan a confronta situacion di pomp, momento cu kier start e pomp e tabata pone e truck perde forsa y paga e truck. A haci algun intento pero no tabata logra y candela birando grandi.

E bomberonan a haya un lift cu Polis pa bay nan kazerne pa busca un otro truck pa asina bringa cu e candela cu tabata birando grandi y menasando un otro cas. Total tabatin tres truck e bou, y asina e bomberonan a bringa cu e candela basta lihe. Slachtofferhulp tambe a presenta pa pone su mes na altura pa duna un man n’e famia afecta.