Candela a sorprende famia den Comanchestraat

Diamars anochi bisiñanan a trata di duna e famia di Comanchestraat 1-A un man pa paga e candela cu a surgi na e adres ey. Pero e vlamnan tabata feroz y no por a haci haci.

Diferente unidad di Brandweer a yega na e sitio, y tambe personal di ELMAR pa kita e coriente. Tabata hopi preocupa si e candela por expande y causa daño na otro viviendanan. Pero esaki no tabata e caso.

E cas afecta, unda tin hende grandi ta biba, ta situa net banda di Peking Restaurant na San Nicolas. Pa paga e candela y e trabou despues, a dura casi dos ora. Con e candela a cuminsa ainda ta bou investigacion.