Connect with us

Campeonato liga hubenil di ABBA 2021 a cuminsa den gran forma

Aruba

Campeonato liga hubenil di ABBA 2021 a cuminsa den gran forma


Diabierna anochi a tuma luga apertura di loke ta e campeonato liga hubenil di ABBA 2021, caminda cu e diferente ekiponan presente a haci acto di presencia den un desfile p’e publico presente.

Esaki ta e prome campeonato di e directiva nobo di ABBA pa loke t’e periodo 2021-2025 y tin cu indica cu e actividad aki a cuminsa den gran forma.

Rodymar Geerman a representa Minister di Enseñansa y Deporte, Endy Croes, cu lansamento di e prome bala di e campeonato.

Geerman ta conta cu e apertura tabata algo bunita pa mira liga hubenil bek den accion. Di parti di e ministerio sigur a manda un palabra di exito na cada ekipo y nan dirigente pa sa con pa dirigi e muchanan y na final lo mira cua lo ta e miho team cu lo gana den esaki.

Oficina di minister tin plan grandi pa deporte. Nan lo kier traha mas tanto deporte posibel, cu e diferente federacion y comision pa asina structura deporte en general y brinda tur servicio cu por pa asina mira cu deporte por sigui destaca internacionalmente.

PROME RESULTADO

Riba e mesun dia aki tabatin e prome wega, cu tabata entre Rockets U19 contra Aruba Rotary team 1 U19. Aruba Rotary a sa di gana e wega aki.

Miho batiado p’e ekipo di Rockets ta:

 Zarik Tromp (4-2)

 Xavier Werleman (3-1)

Miho batiado p’e ekipo di ARUBA ROTARY TEAM 1 ta:

 Nathan Cruz (3-1)

 Shawn Bareño (3-1)

 Justin Morales (3-1)

Pitcher ganado ta: Marshall Albertsz

Pitcher perdedo ta: Harbersting Abreu





Source link

Click to comment

Leave a Reply

Your email address will not be published. Required fields are marked *

More in Aruba

To Top