Caminda muha a pone chauffeur slip y ranca borchi y auto a pega contra troncon

Riba “Sasakiweg” Av Nelson Oduber yegando e rotonde Palm Beach diabierna anochi laat chauffeur di un hyundai accent biniendo di zuid a perde control debi na caminda muha y a baha caminda, ranca borchi trafico y e auto parti dilanti a pega contra un troncon di mata.

Afortunadamente no tabatin ningun persona herida, polis a tuma dato di e accidente y a notifica roadservice di e accidente, unda na final takelwagen a presenta pa lanta e auto.