:quality(85)/cloudfront-us-east-1.images.arcpublishing.com/infobae/ISN6BBRQQ34T6U3BSP45HPVKMA.jpg?resize=400%2C240&ssl=1 "Fuerte repudio internacional contra el régimen de Maduro por el asedio contra la Embajada de Argentina en Caracas")
:quality(85)/cloudfront-us-east-1.images.arcpublishing.com/infobae/ISN6BBRQQ34T6U3BSP45HPVKMA.jpg?resize=100%2C100&ssl=1 "Fuerte repudio internacional contra el régimen de Maduro por el asedio contra la Embajada de Argentina en Caracas")
:quality(85)/cloudfront-us-east-1.images.arcpublishing.com/infobae/VP4T7ES4RZASREIASUHNLN2SLY.jpeg?resize=400%2C240&ssl=1 "El hombre detenido por el ataque al presidente de la Sociedad Rural declaró ante el juez Rafecas y negó su participación en el hecho")
:quality(85)/cloudfront-us-east-1.images.arcpublishing.com/infobae/VP4T7ES4RZASREIASUHNLN2SLY.jpeg?resize=100%2C100&ssl=1 "El hombre detenido por el ataque al presidente de la Sociedad Rural declaró ante el juez Rafecas y negó su participación en el hecho")
Caribe
Caminata di comunidad Venezolano a termina den canto y oracion pa libertad pa nan pais
Diasabra, e comunidad Venezolano residencia riba nos isla a tene un marcha di protesta contra di e resultado di eleccion na nan pais y tabata exigi pa respeta e resultado cu lo a duna Edmundo Gonzales Urrutia como e ganado.
Y diadomingo e protesta a sigui den forma di un caminata cu a sali for di Compleho Deportivo Guillermo Prospero Trinidad na Dakota, sigui pasa den Avenida Milio Croes, direccion Banco di Caribe, Adriaan Lacle Boulevard y caba na Plaza Bolivar. Segun cu tin di compronde, e protestanan aki lo sigui te ora cu Nicolas Maduro baha y Garcia Urrutia asumi su presidencia manera mester ta.
Den e caminata di diadomingo por a nota ciudadanonan di diferente parti di Latino America, manera Colombia y Peru cu a participa den sosten n’e pueblo Venezolano. E caminata aki tabatin mas un toke religioso, pa pidi ayudo celestial pa asina Venezuela por sali di e situacion aki. E religionnan na Aruba a uni den fe pa Venezuela.
Den e solo calor di atardi, asina mes un grupo grandi di persona a duna oido n’e peticion pa bin e caminata pa asina pidi Tata Celestial pa su intervencion na Venezuela.
PROGRAMA CULTURAL
Despues cu e marcha cu a sali for di Compleho Deportivo Guillermo Prospero Trinidad na Dakota y a sigui te yega Plaza Simon Bolivar.
A sigui un manifestacion cultural, cu canto y musica pa asina resona nan bosnan di anhelo pa un fin n’e gobierno di Nicolas Maduro y pa restaura paz na Venezuela.
Pastoor Jairo Maduro tambe tabata presenta y el a conta di su trayecto na Venezuela, como capelan, den loke el a describi como e temponan di paz y alegria na Venezuela, den e temponan di bonanza di e pais.
Na final di su discurso, el a haci oracion hunto cu e comunidad pa asina clama na Dios Tata pa trece paz y husticia p’e pueblo Venezolano. Pa pronto nan por gosa di e libertad manera semper tabata e caso. Y pa tur esunnan cu a emigra por bolbe bek nan pais pa reuni cu nan famia. Pa tur esunnan cu ta den lucha pa libertad y tambe pa libertad di e presonan politico.
El a describi e situacion como un sombra preto cu ta colga riba e pais. Pero cu fe paz lo reina na Venezuela, pa Dios aleha tur malo for di e pais. Pa bendiciona e pais Venezuela.
Alexandra, un ciudadano Colombiano tambe a hiba palabra y c’un alabansa a pidi pa e pueblo di Venezuela.
Pastoor Daniel Correa tambe a hiba palabra y a indica cu Venezuela ta un pueblo di speransa y tabata sinti di tabata un honor pa tabata n’e caminata. El a resa un versiculo II Kronikanan 7:14 y na final el a enfatisa cu e pueblo Venezolano ta esforsa nan mes.
Pastoor Daniel a cera e parti aki c’n oracion, pidiendo Dios pa e libertad pa nan nacion. Y na final, tabatin canto di alabansa, halsando un peticion di oracion p’e libertad cu tanto e pueblo Venezolano ta anhela.
