Connect with us

CaFT ta sigui teima cu problema di salud

Aruba

CaFT ta sigui teima cu problema di salud


Gobierno di Aruba ta na mesa cu Hulanda pa trata e topico di sosten di likides pa di cuater kwartaal. No a haya esaki ainda, pero ta papiando pa mira si Aruba ta yega of no na remarca p’esaki. En caso cu no haya e sosten di likides pa e kwartaal aki, esey ta significa cu mester bay hala faha mara. Tambe CaFT a duna su recomendacionnan y gobierno ta studianando nan, pero e mandatario a expresa cu ainda nan ta teima cu e parti di baha gasto di salud.

Prome Minister, mr. Evelyn Wever-Croes a splica den e conferencia di prensa como gobierno nan a cuminsa hala faha mara. E mandatario di Financia a manda un carta cu desde 15 di october a cuminsa cera e posibilidadnan pa gasto adicional den gobierno. Por ehempel si tin gasto di biahe, esaki no ta posibel mas. Pero tin excepcion manera algo sumamente urgente of otro tipo di gasto cu por pospone, ta haci esey. En caso cu no haya e sosten di likides, gobierno no por sigui haci gasto. Esaki no ta conta solamente p’e mandatarionan, pero pa tur departamento aunke cu mester mantene tur servicio vital pa nan por continua.

CaFT a comparti su opinion diabierna ultimo con Aruba ta bayendo. Nan ta haya cu Aruba ta bayendo bon y a duna elogio riba e maneho cu ta hibando, specialmente riba e parti di turismo y financiero. Gobierno ta calcula cu Aruba ta mira un crecemento di 13.9% y esaki ta danki na esfuerso di cada ciudadano dje pais. Tur ayuda pa hisa e porcentahe, mientras otro pais den region no a mira esaki ni pais di reino.

Desempleo a cuminsa baha y tur hende cu a haya fase a haya un trabou. Esaki ta pone cu CaFT ta di opinon cu economicamente ta bayendo bon y cu esey Aruba no mester di sosten di likides. Gobierno su opinion ta diferente na CaFT. El a indica cu ainda mester dje sosten di likides pa algun gasto y p’esey ta na mesa ainda pa purba yega na algo. E parti di turismo ta bayendo bon y economia a cuminsa crece, pero no a unda mester ta. Ni turismo a yega na e nivel cu e tabata prome cu e pandemia. Si tur cos bay bon manera gobierno a premira, turismo lo recupera 70% pa 75% di nivel cu e tabata prome cu pandemia a dal Aruba. E ta bayendo bon pero ainda no a yega 100%. Unabes cu turismo yega 100% dje nivel cu e tabata, despues di esey e economia ta bin bek n’e nivel di cual despues financia lo subi.

Otro area cu tin problema du gasto ta salud. CaFT un biaha mas ta teima riba e tema di 60 miyon florin. Segun e mandatario, nan sa manera e gasto di salud ta awo no por sigui. Sino aki dos pa tres aña gobierno ta bay hay’e den e situacion di hisa prima y baha e pakete. Nan tin di tuma un decision sino ta perde AZV completo. El a sigui bisa cu esey ta haci mas daño na comunidad. Gobierno ta trahando riba un “plan van aanpak” con nan ta bay atende cu e gastonan di salubridad riba termino cortico, mediano y mas largo.





Source link

Click to comment

Leave a Reply

Your email address will not be published. Required fields are marked *

More in Aruba

To Top