Connect with us

CAFt ta rechasa contesta di Aruba: Aanwijzing ta mustra eminente!

Aruba

CAFt ta rechasa contesta di Aruba: Aanwijzing ta mustra eminente!


Posted on 06/11/2022 4:20 pm AST | Updated on 06/11/2022 5:09 pm AST

ORANJESTAD – E ultimo carta di e colegio di supervision financiero pa Aruba CAFt, ta indica cu e chens pa gobierno di Aruba haya un aanwijzing awor, a bira hopi mas grandi diabierna. E colegio den su carta di diabierna ultimo di 10 di juni 2022 di 9 pagina manda pa gobierno y publica mesora tambe e mesun dia, ta rechasa y bari e ultimo splicacion di gobierno riba e ultimo reaccion di e colegio pa e presupuesto 2022 for di mesa. Y si tene na cuenta cu den e reaccion di gobierno riba e prome conseho di CAFt, e la mustra cu e (esta gobierno) a haci tur loke e por a haci y simplemente no por y no lo haci mas. Y cu e pensamento ey, lesando e carta nobo di CAFt, no por pensa otro cu gobierno y CAFt ta para liña recta contra otro, cu consecuencia cu esaki por conduci den un instruccion (aanwijzing) sigur. Pregunta ta, si e bishita aki dos siman di e secretario di estado van Huffelen, por cambia e situacion. 

CAFt TA RABIA 

CAFt ta di opinion cu den e reaccion ultimo cu gobierno a manda pe, nan (esta gobierno:red) a cumpli cu apenas 1 ( di total 13 recomendacionan) y cu no ta duna suficiente atencion pa e otro 12 nan. “A base di e ariba menciona, CAFt ta conclui cu Aruba ta cumpli insuficiente cu e normanan di articulo 14 di e LAFt y e protocol. CAFt na final di e carta ta pidi gobierno atrobe pa dentro di 14 dia, mas tarda 24 di juni 2024, contesta con e ta bay aplica e 12 consehonan (cu falta) cu e la haya di e colegio, den e presupuesto 2022, y ta spera cu tur wordo procesa e biaha aki si.

MENASA DI AANWIJZING TA MAS CERCA AWOR

 “Si segun pensamento di CAFTt, despues di dia 24 di juni proximo (gobierno) keda cu un presupeusto cu no ta cumpli completamente of parcialmente na e normanan di LAFt y e protocol, CAFt ta haye obliga di raporta esaki na RMR” e colegio ta menasa. Nan ta bisa tambe cu ‘e conseho pa RMR, conforme articulo 12 inciso 2, por bay acompaña pa un conseho motiva pa e otorgamento di un instruccion (aanwijzing). For di experiencia, por bisa cu e aanwijzing aki por inclui un mandato, via gobernador di Aruba, pa implementa tur 13 conseho, sin kita sin pone, cu tur consecuencia cu por tin. Lesa e reaccion di CAFt AKI. 





Source link

More in Aruba

To Top