Connect with us

Cacho di douane cu ta detecta placa, a fayece pa possible descuido

Aruba

Cacho di douane cu ta detecta placa, a fayece pa possible descuido


Posted on 11/8/2021 5:59 pm AST | Updated on 11/8/2021 6:02 pm AST

ORANJESTAD – Un cacho di douane cu ta specialisa den detecta placa, a fayece, posiblemente debi na descuido. E informacion cu e portal aki tin ta cu lo a lague den auto, bou di condicionan no corecto pa cual e cacho lo a bin fayece. Minister encarga cu douane Xiomara a confirma e noticia pero tabata hopi breve si:” Un cacho a fayece. Mi a wordo poni na altura di e caso y awo tin un investigacion interno ta tuma lugar na unda Aduana y DRH ta evalua ki paso mester tuma den e caso lamentabel aki” e mandatario a bisa. E director di Douane Ricky Croes a referi e portal aki tambe na e mandatario pa e informacion. Normalmente cachonan cu ta entrena pa cierto disciplina ta costa basta placa, entre 50 pa 100 mil dollar, pero no por bisa si esaki ta e placa cu a wordo paga pa e cacho aki, y sigur no si e la keda entrena na Aruba mes. 

CACHO CU TA DETECTA PLACA

Tabata na 2015 cu e departamento canino di KIA e tempo ey   a tene un entrenamiento pa dos cacho specisalisa riba disciplina di placa. Ta trata di e cachonan Pipo y Pasja, cu  a wordo entrena localmente pa detecta placa. Durante un session di prexamen, e cachonan aki a wordo poni dilanti tareanan dificil pa detecta placa scondi den varios seccion di e lugar. E cachonan a mustra nan abilidad hopi bon y den cierto caminda a localisa esaki mesora y den otro instancia esaki a tarda un poco mas. A sconde placa p.e. den e gym di e lugar, den un lighter di auto, den buraco di un ambulance frustra y mas. No ta conoci pa e portal aki, si ta trata di un di e cachonan aki of si entretando Douane lo a haya otro cacho cu ta detecta placa. E potret di archivo ta di un di e cachonan cu e tempo ey a haci e entrenamiento.   





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top