Connect with us

Bringa den dia y detene anochi prome cu fiesta pafo di Bochincha

Aruba

Bringa den dia y detene anochi prome cu fiesta pafo di Bochincha


Esnan cu kier bringa y causa problema durante ora di scol, tene cuenta cu bo por cay sera. Ni maske cu bo ta edad jong of edad adulto, e ley ta sigui bo si bo faya. Esey ta loke a sosode tambe diabierna anochi. Esun cu a bringa den dia den area di EPB San Nicolas a perde su libertad anochi net pafo di Bochincha. El a bin di San Nicolas pa asina bay disfruta Le Groove na Bochincha. Paden e no a logra yega. Mirando loke el a causa den dia cu bringamento na EPB San Nicolas, a causa cu un denuncia a bay contra dje. E victima a haci denuncia.

Tin detencion a cay mesun mainta pafo di scol. E cos no a caba ey pasobra e team di K9 cu a handle e caso a atende e cos completo. A practicamente busca drechi di esnan envolvi cu ainda tabata cana los. Mirando nan edad a pone cu JZP a handle e caso. Nan tabata falta hende pa detene. Nan sa ken pa busca. Pa un di nan a bay ordo di detencion. Pesey mes anochi a haya informacion cu e tipo aki ta moviendo banda di Bochincha. Despues di haya e tip, mesun team di K9 a activa pa asina caba cos y rond af nan caso. A bay Bochincha y ta topa cu e sospechoso cu tabata cla pa baila Le Groove den Bochincha.

A yega detene. E detencion no a bay facil pa e team di K9. Un amigo kier a bin interumpi e detencion. A amigo kier a stroba polis di K9 di detene y bay cu e sospechoso. Esey ta algo cu polis no a tuma. A bay over na detencion di e amigo tambe. A logra domine mesora despues di dune advertencia pa no mete. A pone na boei. Cu transporte policial di Playa a hiba ambos sospechoso warda di San Nicolas. Eynan e proceso di interogacion a sigui y djey nan a pasa nan prome anochi pafo di cas pero den un cel di polis sin libertad.





Source link

Click to comment

Leave a Reply

Your email address will not be published. Required fields are marked *

More in Aruba

To Top