Connect with us

BONEIRU A KLASIFIKÁ KOMO E MIHÓ DESTINASHON DI BUSEO PA 2022 DEN SCUBA DIVING MAGAZINE’S READERS’ CHOICE AWARDS

Caribe

BONEIRU A KLASIFIKÁ KOMO E MIHÓ DESTINASHON DI BUSEO PA 2022 DEN SCUBA DIVING MAGAZINE’S READERS’ CHOICE AWARDS


Kralendijk– Den su edishon di novèmber 2021 Scuba Diving Magazine a anunsiá resultado di su Readers’ Choice Awards 2022, kaminda Boneiru ta haña rekonosementu den 12 kategoria.

Kasi 6000 sambuyadó rekreativo a partisipá na e di 29 enkuesta anual di Readers’ Choice di Scuba Diving Magazine pa saka e miho destinashonnan di buseo na mundu. A konta e votonan den diferente kategoria, basá riba destinashonnan di buseo ku a keda bishitá durante e último tres aña. E reputashon di Boneiru komo paradiso pa sambuyadó ta keda dominá e esena di buseo. Nos isla a sa di gana 12 diferente premio den Readers’ Choice Awards 2022, entre otro shete kualifikashon number 1. Pa e di 29 aña konsekutivo Boneiru ta e Shore Diving Destination number 1 den region Karibense i Atlántiko. Nos isla a logra e promé posishon tambe den 6 otro kategoria regional, entre otro Best Overall Dive Destination, Best Beginning Diving, Best Macro Life, Best Snorkeling, Best Health of Marine Environment i Best Underwater Photography.

Boneiru a bira number 2 den e kategoria di Advanced Diving. Banda di esei Boneiru komo destinashon a risibí un klasifikashon di Readers’ Choice den Best Value, Big Animals, Wreck Diving i Wall Diving.

‘Nos ta hopi kontentu ku e aña akí Boneiru a keda rekonosé komo un di e miho destinashonnan pa buseo na mundu’, segun Miles Mercera, CEO di Tourism Corporation Bonaire. ‘Ta un honor pa resultá na e promé posishon den region Karibense i Atlántiko i pa mira algun di nos partnernan tambe riba e lista. Komo isla nos ta keda boga pa protehá loke ta hasi nos mundu bou di laman e paradiso puro i limpi ku aña tras di aña ta atraé sambuyadó di tur nivel.’

Ta publiká e Readers’ Choice Awards 2022 riba www.scubadiving.com i den e edishon di novèmber 2021 di e revista.






Source link

Click to comment

Leave a Reply

Your email address will not be published. Required fields are marked *

More in Caribe

To Top