Connect with us

Bochincha di pareha den porta di supermercado

Aruba

Bochincha di pareha den porta di supermercado


Polisnan a bay pura. Yamadanan a drenta cu un homber ta batiendo un dama. Esaki tabata den parkinglot di Superfood. Polis tabata cerca. Ora nan a yega ya caba e homber a bay den un Isuzu Pickup color blauw y dobel cabina. Personal di seguridad di Superfood a splica cu den porta e cos a cuminsa. Parce e dama a bin topa cu e homber. E cos logicamente no ta bon entre nan dos. E dama tabata bisti cu uniform di un compania di limpiesa.

Ora e homber tabata saliendo cu su compras pa hiba cas, e dama a bay atende cu ne. Parce e dama no kier acepta cu e amor of e relacion di pareha a caba. A cuminsa haci un scandal te cu el a spat e compras di e homber den e area publico na entrada di e supermercado. Djey e homber a purba bay y subi auto. Asina mes e dama a sigui su tras. El a tene na e auto.

A pidie diferente biaha pa miho los y laga e homber bay. Diferente hende a bise laga e homber sigui su caminda. Asina mes el a keda wanta basta rato. Testigonan ta bisa cu nan no a mira e homber dal e dama. Kizas el a defende su mes si contra e intencion di agresion di su ex. Finalmente e homber a logra bandona e sitio prome cu e polisnan a yega. A tuma declaracion di testigonan y di e dama. Aunke e testigonan no a mira agresion, e dama si ta bisa cu a agredie. Despues cu Polis a atende cu e caso, a notifica e dama pa e bay dokter na hospital. E laga dokter chek y bin haci denuncia cu e carta di dokter.





Source link

More in Aruba

To Top