Connect with us

Bo sosten ta necesario: Famia kier drecha cas cu a kima

Aruba

Bo sosten ta necesario: Famia kier drecha cas cu a kima


Diabierna merdia a cuminsa un candela den camber di un cas situa den Caya Frere Fredericus 10-A. Aunke bombero a activa mesora, toch a keda un daño grandi atras. Famia a gradici Dios, bisiñanan di Paradijs y Cuerpo di Bombero cu a actua hopi lihe y a logra scapa e cas di por a bay completo.

Lastimamente e seguro no ta vigente mas y awor no a keda nada otro di pidi ayudo di pueblo di Aruba. E camber cu a kima no a resta nada, muebles no t’ey mas, pañanan a kima por completo, paspoort, celular, etc. Hunto cu e bañonan otro camber y gang te den sala, e huma a haci hopi daño.

Famia mes ta sospecha cu ta e celular pega den charger lo a causa e candela. Polis ta investigando pa por yega na e causa exacto.

Un tristesa grandi pa un famia humilde, consistiendo di Raquel Werleman y su 2 yiunan, Steven y Stacey. Nan lo aprecia masha pa cualkier ayudo. Por comunica cu sobrina di Raquel via cellular 5654025.

Esunnan cu kier yuda cu un sosten financiero, por transferi of deposita na CMB Bank riba number di cuenta #61655901. Tambe por pasa libremente na e cas pa mira con por yuda na adres Paradijs 10-A (Caya Frere Fredericus).





Source link

More in Aruba

To Top