Connect with us

Bishita di trabou di konsehal DaisyCoffie serka empresario Edson Frans a resaltá

Caribe

Bishita di trabou di konsehal DaisyCoffie serka empresario Edson Frans a resaltá


Kralendijk, 23 di novèmber 2021 – Naturalmente tur e trabounan ku DaisyCoffie di Frakshon Coffie ta desplegá komo miembro di Konseho Insular di Boneiru ta di gran importansia. Tòg por bisa ku e bishita di trabou ku DaisyCoffie a hasi den e di tres kuartal di aña 2021 serka empresario EdsonFrans, un asina yamá ‘starter’, tabata resaltante. EdsonFrans ku su kompania MyTea Bonaire ta un ehèmpel grandi pa tur hende ku ke drenta mundu empresarial pa bai hasi negoshi. Algun aña pasá Edson a pensa ku lo tabata bon pa e bai hasi algu mas ku su hòbi di kultivo di mata i yerba. Pokopoko, riba su mes, el a kuminsá kumpra e ekiponan ku e tabatin mester pa esaki i mesora su produkshon di prinsipalmente diferente tipo di yerba a oumentá. Edson a kuminsá ku benta di yerba fresku. E siguiente paso tabata pa produsí te di yerba entre otro yerb’i hole, orégano i lamungras. Tur esaki ta tuma lugá na su mes kas den su propio greenhouse. Entre tantu Edson ta kla pa bai ‘den grandi’ i kuminsá produsí no solamente pa konsumo lokal, pero tambe pa eksportashon. Ku su kompania MyTea Bonaire, Edson ta kumpli 100% ku maneho di gobièrnu di Boneiru pa enkurashá agrikultura i hortikultura, kaminda bonerianonan ta produsí nan propio kuminda i manera den e kaso akí, nan propio kos di bebe i alabes remedi natural. EdsonFrans ta un berdadero ‘rolemodel’!

Nesesidat sosial
Den e di tres kuartal di e aña akí e trabounan diario di Frakshon Coffie a kontinuá normalmente, manera trabou atministrativo i preparashon pa reunion. Remarkabel ta e kantidat grandi di kontakto ku konsehalDaisyCoffie tabatin den e kuartal akí ku personanan ku tin un òf otro nesesidat sosial i ku mester di yudansa pa esaki. No ménos ku 57 biaha DaisyCoffie mester a atendé ku e tipo di asuntunan akí. Ta un señal fuerte ku nos komunidat konosé hopi nesesidat sosial. Dia 6 di sèptèmber nos a selebrá Dia di Boneiru i den su disertashon durante e reunion solèm di Konseho Insular konsehalDaisyCoffie a enfoká riba futuro di nos bonerianonan bisando entre otro: ‘Ròl di e Boneriano, mester ta pa pone prioridat i énfasis, riba loke nos ke pa un mihó futuro. Tempu di krísis mundial manera aworakí, a saka nos forsa i motibu dikon nos mester kombibí mihó ku otro, ta solidario pa otro i traha mihó riba e union pa saka nos lugá pa dilanti. Shen porshento ‘100%’ amor pa nos patria.’ Preguntanan por eskrito ku DaisyCoffie a hasi den e kuartal aki tabata tokante remodelashon di Playa Fòrn’i Kalki i un biaha mas e konsehal mester a hala atenshon di Kolegio Ehekutivo riba e tantísimo kartanan ku no a haña kontesta.

Reunion
Durante e di tres kuartal di aña 2021 DaisyCoffie a asistí na48 reunion repartí den reunion di presidio (3x), reunion di Komishon Fiho (12x), reunion di Konseho Insular di forma opinion (1x) i reunion di Konseho Insular di tuma desishon (3x). Ku gruponan informalkonsehalDaisyCoffie a reuní 26 biaha. Dia 6 di sèptèmber tabatin e reunion solèm di Konseho Insular relashoná ku Dia di Boneiru. Ku e Komishon di Supervishon Finansiero (Cft) DaisyCoffie a reuní 1 biaha i tambe 1 biaha ku mrFritsGoedgedrag, miembro di RaadvanState den servisio ekstraordinario.

Kontakto ku prensa
Den e periodo akí Frakshon Coffie a emití dos komunikado i a publiká tambe dos karta den prensa. Kuater biaha konsehalDaisyCoffie a duna entrevista na medionan di komunikashon i 27 biaha a sali publikashon riba medionan sosial.






Source link

Click to comment

Leave a Reply

Your email address will not be published. Required fields are marked *

More in Caribe

To Top