Connect with us

Biba husticia: Trahado di Pizza Hut cu a atraca su mes ta liber caba

Aruba

Biba husticia: Trahado di Pizza Hut cu a atraca su mes ta liber caba


E homber Mondy Merveille cu ta trahado di Pizza Hut ta liber caba. E tabata prome un victima y djey a bira sospechoso. El a bira sospechoso despues cu el a bira atracado di su mesun atraco. Un pelicula completo cu a cost’e net dies dia di su libertad. Fiscal Yolanda Pronk ta haya cu e dies dia cu el a haya ta suficiente pa tur loke el a haci te awo pa mantene cera pendiente su caso. E homber procedente di Haiti y biba na Aruba ta traha algun tempo na Pizza Hut. El a bisa cu riba un caminda di santo, dos atracado arma a bay cu 18 mil florin cu el a bay hiba banco. Un so e ta corda y e otro atracado e no tabata corda. Hasta nan a dale mand’e for di tino. Tur e storia aki el a conta. El a cana den mondi bin abou pidi ayudo. E dos bon samaritano cu a yud’e despues a perde nan libertad pasobra ambos ta ilegal. Mondy Merveille a cana den e mondi bin abou laga e auto atras y bisa cu a atrac’e bay cu e auto y su telefon. E mes a tira e telefon den mondi.

Mesun caminda e ilegalnan tabata traha, ta caminda a haya e telefon den e matanan di hubada benta. E dia ey ambulance tambe a bin na Pizza Hut y bay cu ne hospital pasobra supuestamente e ta herida. Na hospital e no kier a coopera cu autoridad pa duna informacion riba loke a pasa cu ne un rato prome. Un investigacion di mas cu un siman a tuma luga pa finalmente atraco team drenta dos adres. Koningstraat na Playa y De Vuyst caminda a detene Mondy Merveille. Na De Vuyst a haya un parti di e suma di 18 mil cu supuestamente atracadonan a bay cu ne. Despues di detencion e interogacion a ranca sali. Asina a sigui te haya e resto di e 18 mil florin. Ful e suma cu Mondy Merveille a horta den e atraco riba su mes a ser recupera.

Mirando cu die dia a pasa y Mondy Merveille mester a presenta pa prolongacion, e fiscal Yolanda Pronk cu a encarga cu e investigacion di parti Ministerio Publico a dicidi cu e mag bay liber. Un investigacion intensivo di atraco team, prepara un inval completo na diferente adres, envolvi basta polis y departamento di K9, hasta Hues Comisario a lanta marduga, pa awo den apenas dies dia Ministerio Publico cu Fiscal Yolanda Pronk dicidi cu pa nan ta suficiente y no mester manda Mondy Merveille KIA. E mag bay liber numa. Tremendo husticia ta traha. Asina hopi lo kier pa husticia traha tambe ora cu nan tambe ta cay sera pa delitonan mas suave cu un auto atraco di 18 mil florin.





Source link

Click to comment

Leave a Reply

Your email address will not be published. Required fields are marked *

More in Aruba

To Top