Connect with us

Bèk na Boneiru: Kaile Finies tokante su regreso di Amérika pa Boneiru

Caribe

Bèk na Boneiru: Kaile Finies tokante su regreso di Amérika pa Boneiru


Boneiru

Bèk na Boneiru: Kaile Finies tokante su regreso di Amérika pa Boneiru

Den nos rúbrika nobo ‘Bèk na Boneiru’ nos ta sigui personanan Boneriano ku a lanta na Boneiru, a traha òf studia den eksterior, pero despues ta bini bèk atrobe. Den e di seis seri nos ta papia ku Kaile Finies.  E tabata deportista profeshonal, tabata studia na Amérika i a bini bèk ku plannan ambisioso. Abo sa, òf konosé un hende ku un storia úniko? Tep redakshon.

Kaile Finies a nase na Kòrsou. Su famia tabata biba e tempu ei kaba na Boneiru. Un dos aña despues e famia a bai bèk Boneiru. Kaile Finies por yama su mes pues un Boneriano di bèrdat. Deporte a para un tempu largu sentral den su bida promé ku el a kuminsá ku un karera sosial: “Na edat hóben mi tabata tur dia den laman. Tambe mi tabata hopi riba kancha di tènis”, e ta bisa ku un sonrisa. Su espíritu deportivo a hib’é finalmente Amérika na edat di djesseis aña, kaminda el a sigui su estudio den kombinashon ku deporte. El a keda einan te ku bintisinku aña, pero a disidí finalmente di bolbe su isla.

Sobresalí ku tènis 

Na edat hóben a bira konosí hopi lihé ku no solamente e por landa i hunga tènis, pero ku tabatin talento skondí tambe den Finies. A resultá  ku e tabata bon den tènis i tambe den landamentu. E tabata landa riba nivel haltu serka Barracuda’s. Su mihó parti tabata 100 meter landá skolar. Aki el a landa un rèkòrt. Pero su pashon mas grandi probablemente si tabata tènis. Su mama Elisabeth Vos, di orígen Hulandes, a siña Kaile hunga tènis na edat hóben riba kanchanan di Plaza Beach Resort Bonaire. E tabata ekselente. E tabata asta asina bon ku el a akapará atenshon na Amérika.

“Na aña 2013 mi tabata den VWO-4. E aña ei mi a bai akademia di tènis na Amérika. Aki mi tabata kombiná skol ònlain ku tènis. Alrededor di seis ora pa dia mi tabata hunga riba nivel haltu. Mi meta tabata pa bira mihó. Pasobra mas mihó bo ta, mas grandi e chèns ta ku bo por haña un beka ora bo bai studia. Na e momentunan ei mi tabata hunga den kategoria di hubentut pa International Tennis Federation. Mi a hunga entre otro kontra e aktual number 56 di mundu Sofia Kenin”.

Kaile Finies 5

Kontratiempo den karera 

Tabata parse ku su karera tabata bayendo bon. Sinembargo e aventura di eksterior di Finies a haña un kontratiempo: “Lástimamente  no hopi tempu despues mi a haña dos fraktura di strès na ámbos wesu di palu di pia. Tabata asina serio, ku asta nan por a kibra si mi no a tuma sosiegu inmediatamente”, segun Finies.

El a pèrkurá pa un final repentino di un karera profeshonal pa e Boneriano. No solamente e leshon tabata un sla pisá, Finies lo a kuminsá tambe mei aña despues ku su estudio universitario na Amérika. Esaki tabata parse dudoso pa motibu di su leshon. Pa un momentu tabata parse ku tur su soñonan ta kai na awa.

“Di e entrenadónan mi a haña tende ku tabata posibel pa haña un beka atlétiko. Pasobra mi tabatin bon sifra tambe, mi a haña un beka akadémiko tambe. Ku otro palabra, asina mi por a studia kasi pòrnada. Lástimamente mi mester a revalidá prome pa motibu di e leshon. Pasobra e guia durante mi leshon tabata den un palabra malu, e chèns aki a bai pèrdí. Mi beka atlétiko a faya”, Finies ta laga sa.

Na 2015 el a disidí pa kuminsá su estudio tòg na Amérika. El a finalisá esaki ku éksito. Mésora despues di su estudio el a disidí di regresá Boneiru. Un karera sosial no tabata algu ku e kier a keda Amérika p’e: “Nò, en realidat ta meskos ku na Hulanda. Hendenan ta pone énfasis hopi fuerte riba trabou. Ta sobra tiki tempu ‘pa biba’. Aki na Boneiru mi tin mas trankilidat. Bo ta biba mas pafó tambe”.

Kaile Finies 4

Fastioso pa talentonan ku ta regresá 

Ku un título Universitario di Fine Arts i un Master den Komunikashon ta parse ku mundu ta bai habri pa Finies. Sinembargo e pregunta ta keda si ta posibel pa sigui desaroyá tambe na Boneiru. Pa Finies ku a regresá e kontesta ta kla: “Si, e ta posibel. Sinembargo mi ta haña, i huntu kumi mi otro kompañénan di estudio Boneriano ku tambe a studia na Amérika, ku por yuda nos mas tantu si. Pasobra pa motibu di e preisnan di hür ku a subi i leinan di hipotek, bon mirá no tin chèns pa nos na Boneiru. Tambe e salarionan ta abou. Tambe mi ta haña remarkable ku algun di mi amiganan a haña un rechaso riba un solisitut pa motibunan remarkabel. A bisa nan ku nan tin muchu tiki eksperensia. Òf di otro banda, ku nan ta muchu sabí pa e empresa ku nan antesedentenan di studio”.

Ofisina konsultativo  Finies 

Finies no a keda sinta ketu. Aktualmente e ta mènedjer na un empresa ku ta ofresé paketenan di snòrkel. ”Mi tin un trabou leuk. Pero mi ta wak rònt dimi si”, segun un Finies visiblemente ambisioso. “Mi ke pone un ofisina konsultativo riba pia ku ta duna hóbennan aki na Boneiru mihó konseho kon bo por studia na Amérika. Pasobra e sistema akinan ta muchu enfoká ku bo mester bai studia na Hulanda despues ku bo a finalisá enseñansa sekundario na Boneiru. Mi ta di opinion ku e sistema Merikano por ta muchu mas interesante pa nan. Si bo ta bon den deporte òf bo tin sifranan haltu na skol, nan ta rekompensábo na Amérika. Esei no ta e kaso na Hulanda. Tambe tin hopi studiante ku den nan promé añanan ta duda den e direkshon di nan estudio. Na Hulanda hopi biaha bo ta pèrdè e aña di estudio aki. Na Amérika esei no ta e kaso. Bo ta bai ku bo eksperensia di bo estudio anterior den bo estudio nobo. Asina bo ta pèrdè ménos tempu i sèn. Tambe studiamentu riba un campus tin un bentaha grandi. E ta un komunidat chikitu pa studiantenan. Tur kos ta sentralisá, di moda ku e chèns pa bo no slag ta bira chikitu. Mi ta haña tambe hopi importante pa bo haña informashon korekto. Tempu ku mi kompañénan di estudio di Boneiru i ami a bai studia na Amérika un hende riba e isla a duna nos informashon robes. Esei a kosta spesialmente mi kompañénan di estudio hopi sèn”.

Kaile Finies 2

Talento Boneriano ta bai hopi biaha pèrdí 

Ta konosí ku hopi Bonerianonan hóben ta bai studia den eksterior. Pasobra einan tin mas posibilidat i yudansa, nan ta keda einan. Chèns pa nan regresá Boneiru ta chikitu. No ta fásil pa deportistanan profeshonal tampoko. E posibilidatnan ku talentonan tin na Hulanda si, ta hopi mas limitá na Boneiru. Esei ta lástima. Na e momentu aki por ehèmpel tin diferente talento di windsurf ku ta destakando. Finies tambe ta di opinion ku por hasi algu den e kaso aki: “Ta difísil pa keda kombiná un estudio i deporte profeshonal na Hulanda despues di bo enseñansa sekundario. Di e manera aki talento ta bai pèrdí. Mi eksperensia na Amérika ta ku ta posibel pa keda praktiká bo deporte den kombinashon ku un estudio. Ku mi ofisina konsultativo mi ta bai splika e hóbennan talentoso esaki klarito”.

Dutch Caribbean Research Week 

Pone un ofisina konsultativo riba pia den un aña ta un reto fuerte. Un otro meta pa Finies e aña aki ta su enbolbimentu den e organisashon di Dutch Caribbean Research Week. “Un ofisina na Hulanda a aserkámi. Otro aña mi mag yuda pa organisá e konferensia aki,” segun Finies. E evento, ku ta tuma lugá di 20 pa 27 di novèmber, ta brinda kada isla den Reino Hulandes e oportunidat pa presentá su tópikonan di investigashon mas importante. “Mi ke duna e personanan di mi edat e oportunidat pa hasi e investigashon aki na Boneiru, ku finansiamentu di Hulanda”, segun Finies.

Kaile Finies 3

Konservá Kultura i Idioma 

Finies ta mustra di ta determiná pa kontribuí na e investigashon i na desaroyo di su isla. “Tin hopi talento bon studiá ku ke bini bèk, pero ku ta enfrentá limitashonnan”. Su pashon pa kultura i komunikashon ta bini dilanti den su dedikashon pa mantené kultura Boneriano. “Idioma Papiamentu ta un parti grandi di nos kultura. E echo ku awor e ta un materia opshonal na skolnan, ta preukupámi. Nos mester mantené i traspasá nos kultura pa generashonnan hóben. Bien posibel e por ta un tópiko den Dutch Caribbean Research Week. Tin hopi talento hóben i bon studiá ku ke bolbe bèk, pero ta topa ku limitashonnan. Mi ta spera ku mas hende ta haña e chens durante Dutch Caribbean Research Week pa hasi investigashon akinan i asina kontribuí na desaroyo di nos islanan”.


24



Source link

More in Caribe

A2Z ADMINISTRATION

AD

To Top